Asian Championships 2023: सात्विक साईराज आणि चिराग शेट्टी यांनी आशिया बॅडमिंटन चॅम्पियनशिपमध्ये इतिहास रचला आहे.

आशिया बॅडमिंटन चॅम्पियनशिपमध्ये सुवर्णपदक जिंकणारी ही स्टार दुहेरी जोडी दिनेश खन्ना नंतर पहिली भारतीय ठरली आहे.

या दोघांनी रविवारी मलेशियन जोडी य्यू सिन/टीओ ई यी यांचा 16-21, 21-17, 21-19 असा पराभव करुन 58 वर्षांची प्रतीक्षा संपवली.

आशियाई बॅडमिंटन चॅम्पियनशिप जिंकणारी सात्विक साईराज आणि चिराग शेट्टी ही पहिली भारतीय पुरुष दुहेरी जोडी ठरली.

दरम्यान, 2022 च्या जागतिक अजिंक्यपद स्पर्धेतील कांस्यपदक विजेत्यांनी सामन्यात जबरदस्त पुनरागमन केले.

पहिला सेट गमावल्यानंतर त्यांनी उत्कंठावर्धक अंतिम फेरीत ओंग येव सिन आणि तेओ ई यी या मलेशियाच्या (Malaysia) जोडीचा 21-16, 17-21, 19-21 असा पराभव केला.

कॉन्टिनेंटल चॅम्पियनशिपमध्ये सुवर्णपदक जिंकणारा खन्ना हा एकमेव भारतीय आहे, त्याने 1965 मध्ये लखनऊमध्ये पुरुष एकेरीच्या अंतिम फेरीत थायलंडच्या सांगोब रत्नुसोर्नचा पराभव करुन ही कामगिरी केली होती. या विजयाबद्दल पंतप्रधान नरेंद्र मोदी यांनी दोघांचेही अभिनंदन केले आहे.

दुसरीकडे, या वर्षाच्या सुरुवातीला स्विस ओपन जिंकणारी भारतीय जोडी ली यांग आणि वांग ची-लिन या तैवानच्या (Taiwan) जोडीला पराभूत करुन अंतिम फेरीसाठी पात्र ठरली होती. सात्विक साईराज आणि चिराग शेट्टी ही जोडी जागतिक चॅम्पियनशिपमध्ये कांस्यपदक जिंकणारी पहिली भारतीय पुरुष दुहेरी जोडी देखील आहे.