India vs Pakistan: आशिया चषक 2023 ची सुरुवात 30 ऑगस्टपासून होणार असून अंतिम सामना 17 सप्टेंबर रोजी होणार आहे. ही स्पर्धा पाकिस्तानच्या यजमानपदी खेळवली जाणार आहे.
भारतीय क्रिकेट नियामक मंडळाचे (BCCI) अध्यक्ष रॉजर बिन्नी आणि उपाध्यक्ष राजीव शुक्ला यांनी पाकिस्तान क्रिकेट बोर्डाचे (PCB) निमंत्रण स्वीकारले असून ते लाहोरमध्ये 4 ते 7 सप्टेंबर दरम्यान आशिया चषकाचे काही सामने पाहणार आहेत.
पीसीबीने बीसीसीआयच्या सर्व प्रमुख पदाधिकाऱ्यांना निमंत्रण पाठवले होते आणि असे समजते की अध्यक्ष आणि उपाध्यक्षांनी त्यांना दिलेले आमंत्रण स्वीकारण्यास भारतीय बोर्डाची मान्यता मिळाली आहे.
दरम्यान, मुलतान येथे 30 ऑगस्ट रोजी आशिया चषक स्पर्धेतील सलामीच्या सामन्यात पाकिस्तानची (Pakistan) नेपाळशी लढत होणार आहे.
या बातमीची माहिती असलेल्या एका सूत्राने गोपनीयतेच्या अटीवर सांगितले की, "बिन्नी, शुक्ला आणि सचिव जय शाह 2 सप्टेंबर रोजी पल्लेकेले (कॅंडी) येथे भारत विरुद्ध पाकिस्तान फ्लॅगशिप सामन्यासाठी श्रीलंकेत असतील."
हे तिघेही दुसऱ्या दिवशी भारतात (India) परततील आणि त्यानंतर बीसीसीआयचे अध्यक्ष आणि उपाध्यक्ष वाघा बॉर्डरमार्गे लाहोरला जातील.
बिन्नी आणि शुक्ला या दोघांनाही आपापल्या पत्नींसह लाहोरमधील पीसीबी गव्हर्नर हाऊसने 4 सप्टेंबर रोजी अधिकृत डिनरसाठी आमंत्रित केले आहे.
दुसरीकडे, हे दोन्ही अधिकारी 5 सप्टेंबर रोजी अफगाणिस्तान विरुद्ध श्रीलंका सामना आणि दुसऱ्या दिवशी पाकिस्तानचा सुपर फोर टप्प्यातील सलामीचा सामना पाहणार असल्याचे समजते.
बीसीसीआयचे वरिष्ठ अधिकारी आणि काँग्रेसचे राज्यसभा खासदार राजीव शुक्ला 2004 मध्ये पाकिस्तानला गेलेल्या संघाचा भाग होते. या दौऱ्यावर सौरव गांगुलीच्या नेतृत्वाखाली भारताने पाकिस्तानविरुद्ध ऐतिहासिक मालिका जिंकली होती.
30 ऑगस्ट: पाकिस्तान विरुद्ध नेपाळ, मुलतान
31 ऑगस्ट: बांगलादेश विरुद्ध श्रीलंका, कॅंडी
2 सप्टेंबर: पाकिस्तान विरुद्ध भारत, कॅंडी
4 सप्टेंबर: भारत विरुद्ध नेपाळ, कॅंडी
5 सप्टेंबर: अफगाणिस्तान विरुद्ध श्रीलंका, लाहोर
6 सप्टेंबर: A1 Vs B2, लाहोर
9 सप्टेंबर: B1 Vs B2, कोलंबो
10 सप्टेंबर: A1 वि A2, कोलंबो
12 सप्टेंबर: A2 Vs B1, कोलंबो
14 सप्टेंबर: A1 Vs B1, कोलंबो
15 सप्टेंबर: A2 Vs B2, कोलंबो
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.