An FIR under POCSO has been filed against Varun Kumar, a player of the Indian hockey team, in Bengaluru:

बेंगळुरूमध्ये भारतीय हॉकी संघाच्या एका खेळाडूविरुद्ध पॉक्सो अंतर्गत एफआयआर दाखल करण्यात आला आहे. भारतीय हॉकी संघाचा बचावपटू वरुण कुमार विरोधात एफआयआर दाखल करण्यात आला आहे, पीडित अल्पवयीन असून तिने ज्ञानभारती पोलिस ठाण्यात तक्रार दाखल केली आहे.

वरुण कुमार आणि पीडित मुलगी केवळ १७ वर्षांची असताना इन्स्टाग्रामद्वारे एकमेकांना ओळखत होते. त्यावेळी वरुण SAI येथे प्रशिक्षण घेत होता. लग्नाच्या बहाण्याने गेल्या 5 वर्षांत त्याने मुलीवर अनेकदा बलात्कार केल्याचा आरोप तिने तक्रारीत केला आहे. 2019 पासून ते एकमेकांना ओळखतात.

वरुण कुमार हा मूळचा हिमाचल प्रदेशचा असून, तो हॉकी सामन्यांसाठी पंजाबला गेला होता. त्याने 2017 मध्ये भारतीय संघासाठी पदार्पण केले, 2022 च्या बर्मिंगहॅम कॉमनवेल्थ गेम्समध्ये रौप्य पदक जिंकले होते.

वरुण कुमार 2022 च्या आशियाई क्रीडा स्पर्धेत सुवर्णपदक विजेत्या संघाचा भाग होता. २०२० टोकियो ऑलिम्पिकमध्ये भारताच्या कांस्यपदक विजेत्या संघाचाही तो सदस्य होता.

POCSO, बलात्कार आणि फसवणुकीच्या प्रकरणी वरुण कुमारविरोधात एफआयआर दाखल करण्यात आला आहे. ज्ञानभारती पोलीस जालंधरमध्ये आरोपी वरुणचा शोध घेत आहेत.

वरुण कुमार हा हिमाचल प्रदेशचा असून तो पंजाबमधील जालंधर येथे राहत होता. तो फरार असून त्याचा शोध सुरू आहे, असे अधिकाऱ्यांनी सांगितले.

टोकियो ऑलिम्पिकमध्ये भारतीय हॉकी संघाने कांस्यपदक जिंकल्यानंतर हिमाचल प्रदेश सरकारने त्याला 1 लाखांचे बक्षीस जाहीर केले होते.

काय आहे POCSO Act?

सर्व प्रकारच्या लैंगिक शोषणापासून मुलांचे संरक्षण करण्यासाठी, लैंगिक गुन्ह्यांपासून मुलांचे संरक्षण कायदा 2012 ("POCSO Act, 2012") पारित करण्यात आला.

संयुक्त राष्ट्रांनी 1989 मध्ये "बालकांच्या हक्कांवरील कन्व्हेन्शन" स्वीकारले, परंतु भारताने 2012 पर्यंत मुलांवरील गुन्ह्यांचे निराकरण करण्यासाठी कोणतेही कायदे केले नव्हते.

नंतर भारतात हे कायदे केल्यानंतर लहान मुलांविरुद्ध केलेल्या गुन्ह्यांसाठी किमान 20 वर्षांच्या तुरुंगवासापर्यंत कठोर शिक्षेची तरतूद करण्यात आली. गंभीर लैंगिक अत्याचाराच्या प्रकरणांमध्ये, गुन्हेगारांना फाशी देखील दिली जाऊ शकते.