Ameya Patil Dainik Gomantak
क्रीडा

खेळाडूंसाठी अमेय ठरलाय ‘शक्तिवर्धक’

मॅकेनिकल अभियंत्याचे क्रीडापटूंना तंदुरुस्तीविषयक शास्त्रोक्त मार्गदर्शन

किशोर पेटकर

पणजी: मॅकेनिकल अभियंता असलेल्या अमेय पाटील (Ameya Patil) या प्राध्यापकाचे व्यायामावर मनापासून प्रेम आहे. शालेय दशेत ते क्रीडापटूही होते, पण त्यात कारकीर्द घडू शकली नाही. मात्र आता नव्या दमाच्या युवा क्रीडापटूंसाठी ते ‘शक्तिवर्धक’ ठरले आहेत.

‘कोच मायलो’ या उपक्रमांर्गत सोशल मीडियामार्फत पणजीतील 27 वर्षीय अमेय खेळाडूंसाठी त्यांची ताकद वाढविणे, तंदुरुस्ती, योग्य आहार याबाबत सखोल माहिती देत आहेत. त्यांचे ‘स्ट्रेंग्थ अँड कंडिशनिंग’विषयक मार्गदर्शन लाभलेला गोव्याचा 19 वर्षीय जलतरणपटू सागर पाटील याने नुकतीच कमाल केली. फोंड्यात झालेल्या राज्यस्तरीय जलतरण स्पर्धेत सीनियर गटात सागरने तीन सुवर्ण व एक रौप्यपदक जिंकत प्रथमच कारकिर्दीतील सर्वोत्तम कामगिरी नोंदविली. याशिवाय राष्ट्रीय पातळीवरील बास्केटबॉलपटूंनाही अमेय यांचे मार्गदर्शन लाभत आहे. त्यापैकी सांगलीच्या भारत पाटील याने आंतरराष्ट्रीय मजल गाठली आहे.

शारीरिक ऊर्जा महत्त्वाची

अमेय सांगतात, ‘‘मैदानावर खेळणे सोपे असले तरी क्रीडा कौशल्य विकसित करत सर्वोत्तम कामगिरीसाठी क्रीडापटूंत शारीरिक ऊर्जा निर्णायक ठरते. दुखापती होणार नाहीत याकडे ध्यान देत, योग्य आहाराची कास धरल्यास खेळाडूची गुणवत्ता पदकप्राप्तीपर्यंत बहरू शकते. त्यासाठी शास्त्रोक्त मार्गदर्शन परिणामकारक ठरते. व्यायामशाळेत जाऊन केवळ स्नायू फुगविल्याने ताकद येत नाही. क्रीडापटूंसाठी शरीरसौष्ठवाऐवजी आंतरिक सामर्थ्य वाढविणे अतिशय उपयुक्त आणि महत्त्वाचे ठरते.’’

फिटनेस मार्गदर्शक

अभियांत्रिकी शिक्षण सुरू असताना अमेय यांनी ‘स्ट्रेंग्थ व कंडिशनिंग’विषयक अभ्यासक्रम पूर्ण केला. सांतइनेज येथील ‘फिटनेस बार जिम’मध्ये नियमित व्यायाम करणाऱ्या अमेय यांनी शैक्षणिक कारकीर्द व फिटनेस मार्गदर्शन यांची सुरेख सांगड घातली आहे. 2020 साली त्यांनी अभियांत्रिकेतील ‘एमटेक’ अभ्यासक्रम यशस्वीपणे पुणे येथील `एमआयटी`मधून यशस्वीपणे पूर्ण केला. ‘कोच मायलो’च्या माध्यमातून अमेय यांनी खेळाडूंचे शारीरिक पालनपोषण योग्यपणे होईल याकडे भर दिलेला आहे. त्यासाठी वैद्यकीय सल्ल्यासही ते प्राधान्य देतात. कोविड-19 लॉकडाऊन काळात गतवर्षीपासून अमेय यांना फिटनेस मार्गदर्शनावर जास्त लक्ष केंद्रित करणे शक्य झाले.

‘‘सरकार क्रीडापटूंना प्रोत्साहन देण्याचे आश्वासन देते, पण ते पुरेसे नाही. क्रीडा कारकीर्द सजविताना खेळाडूंना आर्थिक बाबींकडेही लक्ष पुरवावे लागते. आहारासाठी पैसा खर्च करावा लागतो. पदकप्राप्तीचे ध्येय बाळगण्यासाठी क्रीडापटूंकरता सरकारकडून नियमित स्वरूपातील आर्थिक योजना गरजेची आहे.’’

- अमेय पाटील

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

SCROLL FOR NEXT