पणजी: नागपूर (Nagpur) येथे झालेल्या जी. एच. रायसोनी स्मृती अखिल भारतीय फिडे रॅपिड मानांकन बुद्धिबळ (Chess) स्पर्धेत गोव्याचा इंटरनॅशनल मास्टर अमेय अवदी (Ameya Awadi) याला उपविजेतेपद मिळाले.

गतमहिन्यात सर्बिया येथे झालेल्या दोन आंतरराष्ट्रीय बुद्धिबळ स्पर्धांत विजेतेपद मिळविलेल्या अमेय याने तोच फॉर्म नागपूरमधील स्पर्धेतही कायम राखला. या दोन दिवसीय स्पर्धेत त्याला दहावे मानांकन होते. रॅपिड बुद्धिबळ त्याने एलो मानांकन 2094 गुणांचे आहे. नागपूरला पोडियम मिळविताना अमेयने अव्वल मानांकित ओडिशाचा ग्रँडमास्टर देबाशिष दास, नागपूरची वूमन फिडे मास्टर सृष्टी पांडे, तेलंगणाचा कँडिडेट मास्टर कुशाग्र मोहन यांना नमविले. त्याने नऊ फेरांतून आठ गुणांची कमाई केली. या स्पर्धेत देशभरातील 343 बुद्धिबळपटू सहभागी झाले होते. पश्चिम बंगालचा इंटरनॅशनल मास्टर नीलाश साहा याने साडेआठ गुणांसह स्पर्धेत विजेतेपद प्राप्त केले.