महिलांनी आरोग्यासह शरीराची देखील काळजी घेणे आवश्यक आहे. महिलांनी योनीच्या आरोग्याचीही विशेष काळजी घेतली पाहिजे. कारण त्याच्याशी संबंधित छोटी दिसणारी समस्या देखील गंभीर समस्येचे रूप धारण करू शकते. योनीमार्गात कोणत्याही प्रकारची समस्या आल्यास लगेच डॉक्टरांशी संपर्क साधवा.

अनेक वेळा महिला संबंधित समस्यांमुळे तणाव आणि चिंताग्रस्त असतात. हे टाळण्यासाठी योनीच्या विविध समस्यांबद्दल तुम्हाला सतर्क राहावे लागेल आणि लक्षणे वेळीच ओळखावी लागतील. योनीमार्गाच्या आरोग्यासाठी (Health) कोणत्या गोष्टींची काळजी घ्यावी आणि कोणत्या परिस्थितीत डॉक्टरकडे जाणे आवश्यक आहे हे जाणून घेउया.

• योनीचा वास

योनीमार्गाची स्वच्छता राखणे अत्यंत गरजेचे आहे. काही वेळा अस्वच्छतेमुळे त्यात दुर्गंधी येऊ शकते. स्वच्छता ठेउनही दुर्गंधीची समस्या कायम राहिल्यास त्याकडे दुर्लक्ष करू नये आणि ताबडतोब डॉक्टरांशी संपर्क साधावा. योनिमार्गाची स्वच्छता राखण्यासाठी तुम्ही गरम पाणी वापरू शकता.

• योनीतून जळजळ

जर तुम्हाला योनीमध्ये जास्त खाज, जळजळ जाणवत असेल तर त्याकडे दुर्लक्ष करू नका. कारण इन्फेक्शनमुळे खाज आणि जळजळ होऊ शकते. जर तुम्हाला ही समस्या येत असेल तर लगेच डॉक्टरांशी संपर्क साधणे चांगले.

• व्हल्व्होव्हागिनिटिस

योनिमार्गाच्या स्वच्छतेकडे दुर्लक्ष केल्यामुळे व्हल्व्होव्हॅजिनायटिसची समस्या उद्भवु शकते. वेगवेगळ्या वयोगटातील मुली आणि महिला (Women) या समस्येने त्रस्त आहेत. व्हल्व्होव्हाजिनायटिस हा मुख्यतः विष्ठेच्या जंतूंच्या योनीमध्ये प्रवेश केल्यामुळे होतो. त्याच्या लक्षणांमध्ये अस्वस्थता, खाज सुटणे आणि योनीतून अनियमित स्त्राव यांचा समावेश होतो

• योनीमध्ये आग होणे

योनीमध्ये कधीकधी जळजळ होणे सामान्य आहे. परंतु बहुतेक महिलांना याचा त्रास नेहमी होतो. हे कधीकधी डिहायड्रेशनमुळे देखील होते. जिवाणू संसर्ग, यीस्ट संसर्ग, मूत्रमार्गात संक्रमन सारख्या परिस्थितीमुळे देखील होऊ शकते. वेळीच डॉक्टरांशी संपर्क साधावा.

• गुणवत्ता आणि रंगात बदल

योनीमार्गामधुन जर तुमचा स्त्राव पांढरा किंवा पांढरा रंग असेल तर ते सामान्य आहे. परंतु जर स्त्रावाचा रंग गडद पिवळा, हिरवा किंवा तपकिरी असेल तर ते गंभीर त्रासाचे लक्षण असू शकते. असे जाणवल्यास ताबडतोब डॉक्टरांशी संपर्क साधावा.