WHO Sodium Intake Recommendation: जागतिक आरोग्य संघटनेकडून वेळोवेळी आरोग्याच्या दृष्टीकोनातून मार्गदर्शक तत्वे जारी केली जातात. याचदरम्यान, आता जागतिक आरोग्य संघटनेकडून एक आवाहन करण्यात आले आहे. सोडियमयुक्त मीठ कमी खाण्याचे आवाहन संघटनेकडून करण्यात आले.

सामान्य मीठाऐवजी पोटॅशियमयुक्त कमी-सोडियम मीठ अन्नात वापरावे. मात्र हे आवाहन केवळ प्रौढ आणि निरोगी व्यक्तींसाठीच करण्यात आले आहे. गर्भवती महिला, मुले आणि मूत्रपिंडाच्या समस्या असलेल्या लोकांना सामान्य मीठ खाण्याचा सल्ला देण्यात आला आहे. त्यांनी कमी सोडियम असलेले मीठ खाऊ नये, असे संघटनेने म्हटले. याआधीच सोडियमचे सेवन दररोज 2 ग्रॅम कमी करण्याची शिफारस जागतिक आरोग्य संघटनेकडून करण्यात आली आहे.

मीठाचे सेवन संतुलित प्रमाणात करावे

दरम्यान, मीठ ना जास्त प्रमाणात खावे ना कमी. त्याचे संतुलित प्रमाणात सेवन केले पाहिजे. जागतिक आरोग्य संघटनेनुसार (WHO) एका व्यक्तीने दररोज 5 ग्रॅम मीठाचे सेवन केले पाहिजे, परंतु भारतीय लोक दररोज सरासरी 10 ग्रॅम मीठाचे सेवन करतात. जास्त मीठ खाल्ल्याने शरीरात सोडियमचे प्रमाण वाढते, ज्यामुळे अनेक शारीरिक समस्या उद्भवतात.

तज्ज्ञांनी WHO च्या सूचनेचे कौतुक केले

जागतिक आरोग्य संघटनेकडून करण्यात आलेल्या आवाहानाचे तज्ञांनी कौतुक केले आहे. तज्ज्ञांचे म्हणणे आहे की, WHO ची मार्गदर्शक तत्वे भारतीय लोकांसाठी अधिक उपयुक्त आहेत. कारण भारतीय लोकांना मीठ वेगळे खाण्याची सवय आहे. भारतीयांमध्ये टेबलावर मिठाचा (Salt) डबा घेऊन बसण्याची जुनी प्रवृत्ती आहे. लोक जेवणापूर्वी खूप मीठ वापरतात. अशा परिस्थितीत, आरोग्य संघटनेचा हे आवाहन भारतीयांसाठी महत्त्वाचे आहे. भारतीय लोकांनी हे लक्षात ठेवले पाहिजे.

जास्त मीठ खाणे आरोग्यासाठी घातक

जास्त प्रमाणात मीठ खाणे एकूणच आरोग्यासाठी विष खाण्यासारखे आहे. जास्त मीठ खाल्ल्याने रक्तदाब वाढतो. याशिवाय हृदयविकाराचा झटका आणि हृदयरोगाचा धोका (Heart Disease) वाढू शकतो. तसेच, मूत्रपिंड, यकृत आणि ब्लडवरही परिणाम होतो. यामुळे अनेक प्रकारचे आजार होऊ शकतात. अशा परिस्थितीत भारतीय लोकांनी जागतिक आरोग्य संघटनेच्या मार्गदर्शक तत्त्वांचे पालन केले पाहिजे.

जास्त मीठ खाण्याचे हानिकारक परिणाम

रक्तदाब वाढणे

हृदयरोग

हाडे कमकुवत होणे

पोटाच्या समस्या

मूत्रपिंडाचे आजार

वजन वाढणे

डिहायड्रेशन

त्वचेच्या समस्या