बीड : महाराष्ट्रात धुलीवंदन हा सण मोठ्या उत्साहात साजरा केला जातो. धुलिवंदन हा एक रंगांचा उत्सव असून हा सण होळीच्या दुसऱ्या दिवशी साजरा करतात. परंपरेप्रमाणे या दिवशी होलीका दहनाची राख एकमेकांना लावतात. दरम्यान बीड येथे एक अनोख्या पद्धतीने धुलीवंदन साजरे केले जाते. केज तालुक्यातील विडा गावात, जावयाला गाढवावरून होळीच्या (holi) दिवशी चपलांचा हार घालून मिरवणूक काढण्याची परंपरा आहे.

विडा गावातील नागरिकांच्या शोधामुळे जावई पसार झाले आहेत. गेल्या 90 वर्षा पासून जावयाला गाढवावर बसवून मिरवणूक काढण्याची परंपरा (Tradition) आहे. धुलीवंदनाचा उत्सव साजरा करण्यासाठी विड्याच्या ग्रामस्थांची बैठक पार पडली आहे. यंदा होळीच्या सणाला जावयाच्या शोधा बरोबरच आता गाढवाचाही शोध गावकऱ्यांना घ्यावा लागत आहे.

कोरोनामुळे सामाजिक, राजकीय (Politics) सण उत्सव साजरी करन्यावर बंदी होती. म्हणून 2 वर्षात परिसरातील जावई व घरजावई यांना सुटकेचा श्वास घेतला होता. मात्र, कोरोना (corona) आटोक्यात आल्यानंतर पुन्हा सर्वच कार्यक्रम सुरू झाले आहेत. उद्या शुक्रवारी हा कार्यक्रम सकाळी 11 वा होणार आहे. कार्यक्रम उद्या होणार खर पण होळीच्या या अनोख्या परंपरेमुळे जावई पसार झाले आहेत. आणि गाढवांना सुद्धा मानपान लागतोय. गाढवांना मागेल ती सुपारी देऊन वरातीसाठी नेल जातय. गाढव तर वरातीला येतील पण जावई येतील का? हा प्रश्न उभा राहिलाय….