Skin Care Tips: प्रत्येकासाठी वैयक्तिक स्वच्छतेकडे लक्ष देणे जितके महत्त्वाचे आहे, तितकेच जगण्यासाठी खाणे देखील महत्त्वाचे आहे. चेहरा धुण्यापासून ते आंघोळीपर्यंत आपण अनेक प्रकारच्या वैयक्तिक स्वच्छतेकडे लक्ष देतो.

नळाच्या पाण्याने चेहरा धुणे त्वचेसाठी धोकादायक ठरु शकते. हे वाचुन तुम्हाला विचित्र वाटत असेल, पण नळाच्या पाण्याने चेहरा धुतल्याने तुमची त्वचा खराब होऊ शकते.

त्वचा तज्ज्ञ सांगतात की, चेहरा धुण्यासाठीही चांगले आणि स्वच्छ पाणी वापरावे. अनेक लोक आपला चेहरा धुण्यासाठी थेट नळाचे पाणी वापरतात. पण तुम्हाला माहित आहे का की कडक नळाच्या पाण्यात असलेल्या खनिजांमुळे तुमच्या त्वचेची छिद्रे अडकून तुमची त्वचा कोरडी होऊ शकते, ज्यामुळे मुरुमाची समस्या निर्माण होउ शकते.

• फिल्टर न केलेले पाणी त्वचेसाठी चांगले नाही 

नळातून येणारे थेट पाणी तुम्ही भांडी साफ करण्यासाठी आणि दैनंदिन घरातील कामासाठी वापरू शकता. या पाण्यात लोह, मॅग्नेशियम, झिंक, तांबे आणि कॅल्शियमसारखे घटक असतात.

हे घटक शरीर निरोगी ठेवण्यास मदत करतात. कडक पाण्यात मॅग्नेशियम आणि कॅल्शियमचे प्रमाण जास्त असते. पण तरीही हे पाणी (Water) त्वचेसाठी चांगले नसल्याचे डॉक्टरांचे म्हणणे आहे. कारण ते त्वचेतून नैसर्गिक तेल कमी करुन त्वचा कोरडे करू शकते.

• केस देखील खराब होतात

डॉक्टरांचे म्हणणे आहे की जेव्हा हे पाणी क्लिंजर किंवा साबणामध्ये मिसळले जाते तेव्हा ते त्वचेचे छिद्र बंद करते. संवेदनशील त्वचा असलेल्या लोकांसाठी, नळाचे पाणी सर्वात धोकादायक आहे. 

फिल्टर न केलेले पाणी त्वचेच्या मायक्रोबायोटाचे संतुलन बिघडवते, ज्यामुळे एक्जिमा, मुरुम आणि त्वचारोग वाढू शकतो. फिल्टर न केलेले पाणी केसांचे आरोग्य खराब करू शकते. यामुळेच चेहरा आणि केस धुण्यासाठी नेहमी फिल्टर केलेले पाणी वापरावे.