आजकाल सर्व लोकांकडे (Earphone) इयरफोन असतात. अनेक लोकांना सतत इयरफोन कानात(Ear) लावून फिरण्याची सवय असते. इयरफोन वापरणे चुकीचे नाही, परंतु त्याचा तासंतास वापर करणे आरोग्यासाठी (Health) घातक ठरू शकते. गेल्या काही वर्षात इयरफोनच्या अतिवापरामुळे कान खराब होणे आणि रस्त्यावरील अपघातात वाढ झाली आहे. पण अलीकडच्या वर्षात ही एक गंभीर समस्या म्हणून उदयास आली आहे.

* इयरफोनचा अतिवापर हा तरुण पिढीमध्ये अधिक दिसून येते. यामुळे 50 तरुणांमध्ये कानाच्या समस्या निर्मान होत आहेत. इयर फोनच्या सतत वापरामुळे कान दुखणे, झोप न येणे, यासारख्या अनेक समस्या निर्माण होत आहेत. आरोग्यतज्ञांच्या मते इयरफोनच्या अतिवापरामुळे आपली श्रवणशक्ती 40 डेसीबल पर्यंत कमी होते.

* तासंतास इयरफोनचा वापर केल्याने कानाचा पर्दा व्हायब्रेट होत असल्याने कान खराब होण्याची शक्यता असते. चक्कर येणे, कानात मुंग्या येणे यासारख्या समस्या निर्माण होतात. अनेक लोकांना दूरचे एकायला येणे कमी होते आणि यामुळे बहिरेपणा देखील येऊ शकतो.

तुमच्या आरोग्यावर इयरफोनचा विपरीत परिणाम होतो. इयरफोन आकाराने लहान असतात आणि यामुळे ते कानात सहज फिट बसतात, पण तरीसुद्धा बाहेरचा आवाज येणे बंद होत नाही. यामुळे अनेकजन बाहेरचा आवाज टाळण्यासाठी इयरफोनचा आवाज वाढवून गाणे एकतात. यामुळे कान लवकर खराब होऊ शकतात.

मोठ्याने संगीत एकल्याने मानसिक समस्या उद्भवू शकतात, तर हृदयरोग आणि कर्करोगाची शक्यताही वाढू शकते. इयरफोनमध्ये 100 डीबी पर्यंत आवाज येऊ शकतो. यामुळे तुमच्या कानाला हानी पोहोचु शकते. सामान्यत: कान 65 डेसीबल आवाज सहन करू शकतो. तर 85 डेसिबलपेक्षा जास्त आवाज कानांसाठी धोकादायक आहे. इयरफोनच्या अतिवापरामुळे कानाच्या नसा मृत होऊ शकतात.