Relationship Tips: लग्नानंतर तुम्हीही पहिल्यांदाच जोडीदारासोबत फिरायला जात असाल तर काही गोष्टींची काळजी घेणे गरजेचे असते. यामुळे तुम्ही प्रवास अविस्मरणीय बनवू शकता. लग्नानंतर एकमेकांना समजून घेण्यासाठी सोबत वेळ घालवणे गरजेचे असते. तुम्हालाही जर जोडीदारासोबतचा पहिला प्रवास अविस्मरणीय करायचा असेल तर पुढिल गोष्टी लक्षात ठेवा.

आवडी निवडीवर लक्ष द्यावे

पहिल्या प्रवासात तुमच्या जोडीदाराच्या आवडीनिवडीवर लक्ष द्यावे. जसे की तुमच्या जोडीदाराला काय खायला आवडते काय नाही.तसेच कुठे फिरायला जायला आवडेल हे ही जाणून घ्या. यामुळे तुम्ही एकमेकांना समजुन घेऊ शकता. जर तुम्ही तुमच्या आवडीनिवडी जोडीदारावर लादत असाल तर तुमचे नाते बोरिंग होऊन तुटू शकते. यामुळे पहिल्या प्रवासात अशी चूक करणे टाळा.

पॅनिक होणे

अनेकदा काही लोक प्रवास करताना छोट्या छोट्या गोष्टींमुळे पॅनिक होतात. त्यामुळे अनेकवेळा त्यांची तब्येत बिघडते आणि प्रवासाचा आनंद घेऊ शकत नाही. तर अनेक लोक प्रवासात काही गोष्टी मनासारख्या झाल्या नाही तर जोडीदारावर चिडचिड करतात. यामुळे प्रवासाचा आनंद खराब होतो. यामुळे प्रवासात कधीच पॅनिक होऊ नका.

एकत्र वेळ घालवा

जोडीदारासोबत पहिल्यांदाच फिरायला जात असाल तर मोबाइल किंवा लॅपटॉपमध्ये वेळ न घालवता जोडीदाराला वेळ द्यावा. नवनव्या ठिकाणी फिरालया जावे. एकमेकांना गोष्टी शेअर कराव्या. यामुळे एकमेकांना समजुन घेण्यास मदत होईल.

बॅग उचलण्यास मदत करणे

तुम्ही दोघे पहिल्यांदा प्रवासाला जात असाल तर तो अविस्मरणीय बनवा. पण याचा अर्थ असा नाही की स्वत: च प्रवासाचा आनंद घ्यावा. पुढाकार घेऊन बॅग उचलण्यास मदत करावी. यामुळे जोडीदाराला देखील मदत होईल. प्रवासात काही छोट्या गोष्टींमुळे देखील नात्यात प्रेम वाढते.

जोडीदाराची काळजी घ्यावी

प्रवासात दोघांनीही एकमेकांची काळजी घ्यावी. दोघांनीही एकमेकांना समान प्रेम आणि आदर द्यावा. प्रवासातील प्रत्येक क्षण अविस्मरणीय बनवण्यासाठी दोघांनीही प्रयत्न करावा.

औषध आणि खाण्या-पिण्याच्या गोष्टी

प्रवास करताना नेहमी औषध सोबत ठेवावे. तसेच बॅगमध्ये काही खाण्यापिण्याचे पदार्थही ठेवावे. यावरून जोडीदाराला तुमचे केअरिंग नेचर देखील दिसून येईल.