Pitru Paksha: हिंदू धर्मात पिंपळाच्या झाडाला अत्यंत पवित्र मानले जाते. पिंपळाच्या झाडात देवांचा वास असतो असे बोलले जाते. पिंपळाच्या झाडाची पूजा केल्याने सर्व देवतांची एकत्र पूजा केल्याने फळ मिळते असे मानले जाते. 

पितृपक्षात पिंपळाच्या झाडाची पूजा करणे शुभ मानले जाते. पितृपक्ष काही दिवसांनी संपणार आहे. पितृ पक्षामध्ये सांगितलेला कोणताही एक उपाय केल्यास तुमचे पूर्वज तुमच्यावर खूप प्रसन्न राहतील आणि तुम्हाला धनवान बनवतील.

दिवा लावावा

शनिवारी सूर्यास्तानंतर पिंपळाच्या झाडाजवळ कणकिचा दिवा लावावा. सर्वप्रथम कणकिचा दिवा लावावा आणि तेथे शिवलिंग असल्यास त्याची पूजा करावी आणि नंतर झाडावर चंदन किंवा कुंकु लावून ओम लिहावे.यामुळे पितर प्रसन्न होतात.

काळे तीळ दान करावे

शनिवारी काळे तीळ अर्पण करणे शुभ मानले जाते. पितृ पक्षात देखील काळे तीळ शनिदेवांना मोहरीच्या तेल आणि काळे तिळ अर्पण केल्यास शनिदेव आणि तुमचे पूर्वज प्रसन्न होतात. यामुळे तुम्हालाही जर शनिदेव आणि पुर्वजांना प्रसन्न करायचे असेल तर हा उपाय करावा.

गोड पदार्थ अर्पण करावे

पुर्वजांना प्रसन्न करण्यासाठी तुम्ही हा उपाय करू शकता. ५ वेगवेगळ्या पांढऱ्या मिठाई पिंपळाच्या झाडाला अर्पण करावे. असे मानले जाते की हा उपाय केल्याने पुर्वज तुमच्यावर प्रसन्न होतात.

पाणी अर्पण करावे

पितृपक्षातील शनिवारी पाण्यात काळे तीळ मिक्स करून पिंपळाच्या झाडाला पाणी अर्पण करावे. तसेच पिंपळाच्या झाडाची सात वेळा प्रदक्षिणा करून पिंपळाच्या झाडाला नमस्कार करावे.

कावळ्याला खायला द्यावे
शनिवारी कावळ्यांना खायला द्यावे. जर तुम्ही रोज कावळ्याला खाऊ घालू शकत नसाल तर शनिवारी नक्कीच कावळ्याला खाऊ घाला. असे केल्याने तुमचे पूर्वज तुमच्यावर प्रसन्न होतील.