Paracetamol Use In Pregnancy May Increase Adhd Risk Study

गर्भधारणेदरम्यान महिलांना आरोग्यासह आहाराची विशेष काळजी घेण्याचे डॉक्टर वेळोवेळी सांगतात. गर्भधारणेदरम्यान सामान्यतः वापरले जाणारे 'अ‍ॅसिटामिनोफेन पॅरासिटामॉल' हे औषध सुरक्षित मानले जाते, परंतु एका अभ्यासातून या औषधासंबंधी धक्कादायक खुलासा समोर आला आहे. अ‍ॅसिटामिनोफेन पॅरासिटामॉलचे गंभीर परिणाम देखील होऊ शकतात असे या अभ्यासात सांगण्यात आले आहे. गरोदरपणात पॅरासिटामॉलच्या वापरावर आंतरराष्ट्रीय शास्त्रज्ञांनी एक संशोधन केले, ज्यामध्ये असे आढळून आले आहे की त्याचा वापर मुलाच्या मानसिक आरोग्यावर वाईट परिणाम करु शकतो. गर्भवती महिलांनी त्याचे सेवन केल्याने बाळामध्ये ADHD (अटेंशन डेफिसिट हायपरएक्टिव्हिटी डिसऑर्डर) चा धोका वाढू शकतो.

पॅरासिटामॉल अ‍ॅसिटामिनोफेन औषध

गरोदरपणात महिलांना (Women) सर्दी, खोकला आणि ताप येतो. यासाठी महिला पॅरासिटामॉल अ‍ॅसिटामिनोफेन औषध घेण्यास सुरुवात करतात. हे औषध पॅरासिटामॉलमध्ये कॉमन आहे. परंतु अभ्यासात असे दिसून आले की, गर्भधारणेदरम्यान पॅरासिटामॉल औषध हानिकारक असू शकते. याचा मुलांच्या मानसिक विकासावर परिणाम होतो.

अभ्यासात काय सांगण्यात आले?

दरम्यान, गर्भवती महिला या औषधाचा वापर जास्त करत असल्याचे अभ्यासातून दिसून आले. मात्र याचा त्यांच्या नवजात बाळावर विपरीत परिणाम होतो. याचा विशेषतः मुलांच्या मानसिक आरोग्यावर परिणाम होतो. पॅरासिटामॉल औषध घेणाऱ्या महिलांच्या मुलांमध्ये लक्ष न लागणे, वाढलेली हालचाल आणि वर्तणुकीशी संबंधित समस्या आढळून आल्या आहेत. ही सर्व लक्षणे अटेंशन डेफिसिट हायपरएक्टिव्हिटी डिसऑर्डरशी संबंधित आहेत, जी एक न्यूरोलॉजिकल समस्या आहे.

नवजात मुलाच्या मेंदूवर परिणाम

सोसायटी ऑफ ऑब्स्टेट्रिशियन्स अँड गायनेकोलॉजिस्ट ऑफ कॅनडा आणि सोसायटी ऑफ मॅटरनल-फेटल मेडिसिन सारख्या एजन्सींनी काही गर्भवती महिलांना या अभ्यासासाठी निवडले. अभ्यासात आढळून आले की, हे औषध घेणाऱ्या महिलांपासून जन्मलेल्या मुलांच्या मानसिक विकासावर परिणाम झाला. तज्ञांच्या मते, पॅरासिटामॉलमुळे शरीरात काही बदल होऊ शकतात, ज्यामुळे मुलाच्या मेंदूच्या विकासावर परिणाम होऊ शकतो.

एडीएचडी म्हणजे काय?

अटेंशन डेफिसिट हायपरएक्टिव्हिटी डिसऑर्डर हा एक न्यूरोडेव्हलपमेंटल डिसऑर्डर आहे. हा एक प्रकारचा मानसिक आजार आहे. यामुळे एकाग्रतेचा अभाव, स्थिरतेचा अभाव, विचार न करता वागणे आणि अतिक्रियाशीलता यासारख्या समस्या निर्माण होतात.