नवरात्रीचा उपवास अनेक महिला करतात. पण उपवासा दरम्यान आपल्याला अनेक प्रकारचे स्नॅक्स खाण्याची इच्छा होते. तेव्हा तुम्ही नमकीन ड्राय फ्रुट्स बनवू शकता. हे चवदार असून निरोगी आरोग्यासाठी लाभदायी असते. हे बनवणे अगदी सोपे आहे. तुम्ही नमकीन ड्राय फ्रुट्स हा पदार्थ चहासोबत सुद्धा खाऊ शकता. हे तयार करण्यासाठी तुम्हाला मखाना आणि काजू, बदाम यासारखे सुकामेवा आणि काळी मिरी आवश्यकता असणार. चला तर मग जाणून घेवूया याची रेसिपी .

* नमकीन ड्राय फ्रुट्स बनवण्यासाठी लागणारे साहित्य

• मखाना - 1 कप

• काजू- 3 मोठे चमचे

• नारळ - 2 मोठे चमचे

• आवश्यकतेनुसार मीठ

• बदाम - 3 चमचे

• मनुका- 2 चमचे

• काळी मिरी - 1/4 छोटा चमचा

• तूप- 2 चमचे

सर्वात पहिले तूप गरम करावे. त्यात मखाना मंद आचेवर तळून घ्यावे. 5 ते 6 मिनिटानंतर ते काढून घ्यावे. नंतर 1 चमच तुपात कढीपत्ता, काजू , बदाम, मनुका आणि खोबऱ्याचे काप चांगले मिक्स करावे. हे सर्व सुकमेवे 5 मिनिटे कमी आचेवर भाजून घ्या. नंतर हे मिश्रण मखानामध्ये मिक्स करावे. सर्वात शेवटी मीठ, काळी मिरी पावडर, आमचूर पावडर घालून चांगले मिक्स करावे. तुम्ही लगेच खाऊ शकता किंवा हवाबंद डब्यात ठेवू शकता.

* मखाना खाण्याचे फायदे

मखाना हे आरोग्यासाठी लाभदायी आहे. मखानाचे (Makhana) सेवन केल्याने ह्रदयाचे (Heart) आरोग्य चांगले राहते. मखानामुळे अशक्तपना (Weakness) कमी होण्यास मदत मिळते. तसेच हाडांचे (Bones) आरोग्यसुद्धा मजबूत होते. मखानामध्ये प्रथिने, फायबर, कॅल्शियम, मॅग्नेशियम, लोह , फॉस्फरस आणि अँटी-ऑक्सिडंट्स मुबलक प्रमाणात असते. यामुळे अनेक आजारांपासून बचाव होतो.