स्कीन प्रिंटिंगपासून सुरू करून, भारतातील सर्वात मोठा चित्र संग्राहक बनलेल्या अनिल रेलिया यांचे ‘माझा प्रवास’ या विषयावरचे व्याख्यान येत्या रविवारी सकाळी 11:30 वाजता येथील ‘म्युझियम ऑफ गोवा’ (Museum Of Goa) मध्ये आयोजित करण्यात आले आहे.

बडोदा येथील एम. एस. विद्यापीठातून फाईन आर्टची पदवी मिळवल्यानंतर अनिल रेलिया यांनी अहमदाबाद येथे स्वतःचा एक छोटा ग्राफिक स्टुडिओ- ‘आर्चर’ या नावाने सुरू केला. त्यानंतर त्यांची भेट भारताचे प्रसिद्ध चित्रकार एम एफ हुसेन यांच्याशी झाली.

हुसेन यांच्या सेरिग्राफ सिरीजवर अनिल यानी काम केले. हुसेनना त्यांचे काम खूप आवडले आणि त्यांनी आपली अनेक सेरिग्राफिक सिरीज अनिलबरोबर केली. अनिल यांचे कौशल्य पाहून हुसेननी त्यांना आंतरराष्ट्रीय दर्जाचा स्टुडिओ बनवण्याचा व भारतातील ज्येष्ठ आणि सर्वोत्तम चित्रकारांबरोबर (Paint) काम करण्याचा आग्रह केला

‘आर्चर’ आता भारतातील (India) सर्वात मोठा ग्राफिक्स स्टुडिओ आहे. ‘मास्टर’ चित्रकारांबरोबर मिळून त्यांनी प्रसिद्ध ग्राफिक कलानिर्मिती केली आहे. या रविवारी अनिल रेलिया या ‘मास्टर्स’ बरोबरच्या आपल्या प्रवासाची कहाणी आपल्या व्याख्यानातून उलगडतील.