Cabbage-Chana-Dal Tikki Recipe: सकाळच्या नाश्तामध्ये पाहे, उपीट खाऊन बोर झाले असाल तर तुम्ही कोबीपासून टिक्की बनवु शकता. ही रेसिपी बनवायला अगदी सोपी आहे.

तसेच आरोग्यदायी देखील आहे. चणा डाळ-कोबी टिक्की केवळ नाश्त्यासाठी योग्य डिश नाही तर ती दिवसा किंवा संध्याकाळीच्या चहासोबत आस्वाद घेऊ शकता.

• चणा डाळ-कोबी टिक्की बनवण्यासाठी लागणारे साहित्य

भिजवलेली चणा डाळ - 1कप

कोबी बारीक चिरून - 1/2 कप

बेसन - 1/4 कप

दही - 2 टेस्पून

हळद - 1/4 टीस्पून

जिरे पावडर - 1/5 टीस्पून

हिरवी मिरची - 1 टीस्पून

पुदिन्याची पाने - 2 टेस्पून

तेल - आवश्यकतेनुसार

मीठ - चवीनुसार

• चणा डाळ कोबी टिक्की बनवण्याची कृती

चणा डाळ कोबी टिक्की बनवण्यासाठी सर्वात पहिले चणा डाळ स्वच्छ करा आणि 4/5 तास पाण्यात भिजत ठेवावी. ठरलेल्या वेळेनंतर डाळ गाळून पाणी काढावे.

नंतर कोबी, पुदिना आणि हिरवी मिरची बारीक चिरून घ्या. यानंतर भिजवलेली चणाडाळ मिक्सरमध्ये बारिक करून घ्यावे.

नंतर या डाळीच्या पेस्टमध्ये बारीक चिरलेली कोबी, पुदिन्याची पाने, हळद, जिरेपूड घालून सर्वकाही चांगले मिक्स करा.

यानंतर पेस्टमध्ये बेसन, दही आणि चवीनुसार मीठ मिक्स करावे. आता थोडी पेस्ट हातात घेऊन प्रथम त्यातून एक गोल गोळा बनवा आणि नंतर त्याला चपटा करून टिक्कीचा आकार द्या.

आता नॉनस्टिक तव्यावर मध्यम आचेवर गरम करा. तवा गरम झाल्यावर त्यावर थोडे तेल टाकून पसरवा. आता तयार टिक्की तव्यावर ठेवा आणि भाजून घ्या.

काही वेळाने टिक्कीच्या कडांवर तेल टाकून टिक्की उलटा करून दुसऱ्या बाजूने भाजून घ्या. टिक्की दोन्ही बाजूंनी सोनेरी तपकिरी झाल्यावर प्लेटमध्ये काढा.

त्याचप्रमाणे सर्व चणा डाळ-कोबी टिक्की तयार करा. शेवटी पौष्टिक टिक्की हिरवी चटणी किंवा टोमॅटो केचपसोबत सर्व्ह करा.