Mobile Battery Tips: मोबाइलची बॅटरी लवकर खराब होऊ नये असे वाटत असेल तर काही गोष्टींची काळजी घेणे गरजेचे आहे. अनेक लोक सारखी तक्रार करतात की मोबाइलची बॅटरी लवकर खराब होते. पण त्यांच्याच काही चुकामुळे असे होते. तुमच्याही मोबाइलची बॅटरी लवकर खराब होत असेल तर पुढे दिलेल्या गोष्टींची लक्षात ठेवा.

मोबाइलची बॅटरी खराब का होते?

• मोबाइल गरम होणे

मोबाइल वापरताना गरम होत असेल तर त्याकडे दुर्लक्ष करू नका. फोन जास्त गरम झाल्यास लगेच बाजूला ठेवा. असे न केल्यास मोबाइलची बॅटरी लवकर खराब होऊ शकते.

• मोबाइची कव्हर

मोबाइलला नेहमी हलकी कव्हर वापरावी. कारण चार्जिंग दरम्यान निर्माण होणारी उष्णता बाहेर पडू शकते. यामुळे फोनची बॅटरी चांगली राहते.

• गरज नसताना अॅप सुरू ठेवणे

अनेक लोक मोबाइलवर गरज नसतांना अॅप सुरू ठेवतात. यामुळे बॅटरी लवकर उतरते. यामुळे मोबाइल सारखे चार्ज करावे लागते आणि मोबाइल बॅचरी खराब होऊ शकते.

• वाय-फाय,ब्लूटूथ ऑन ठेवणे

मोबाइलमध्ये वाय-फाय, जीपीएस आणि ब्लूटूथ गरज नसताना ऑन ठेवू नका. यामुळे मोबाइलची बॅटरी लवकर संपते. तसेच तुम्हाला मोबाइल सारखा चार्जिंगवर ठेवावा लागतो.

• रात्रभर चार्जिंगला ठेवणे

तुम्ही तुमचा मोबाइल रात्रभर चार्जिंगला ठेवणे टाळावे. असे केल्याने मोबाइलची बॅटरी खराब होऊ शकते. असे अनेक मोबाइल आहेत जे ऑटो कट फीचरसह येत नाहीत. अशावेळी फोनची बॅटरी ओव्हरचार्जिंगमुळे खराब होऊ शकते.

• चार्जिंगला असताना वापर

जर तुम्हाला मोबाइल चार्ज करताना वापरायची सवय असेल तर तुम्हाला तुमची सवय बदलावी लागेल. चार्जिंग करताना मोबाइल वापरल्याने मोबाइलची बॅटरी खराब होऊ शकते. तसेच बॅकअप देखील कमी होऊ शकतो.

• मोबाइल बॅटरी पुर्ण संपवणे

मोबाइल चार्ज करण्यासाठी तुम्ही त्याची बॅटरी पूर्णपणे संपेपर्यंत वाट पाहू नका. जेव्हा मोबाइलची बॅटरी 10 किंवा 15 टक्के राहते, तेव्हा मोबाइल चार्जिंगला लावावा. यामुळे बॅटरी खराब होणार नाही.

• दुसऱ्या मोबाइलचे चार्जर वापरणे

मोबाइलची बॅटरी दुसऱ्या चार्जरने कधीही चार्ज करू नका. कारण मोबाइल नेहमी त्याच्या ऑरिजनल चार्जरनेच चार्ज करावा. यामुळे मोबाइलची बॅटरी लवकर खराब होत नाही.