Matar Makhana Recipe: जर तुम्ही मटर पनीर खाऊन कंटाळला असाल तर काही तरी नवीन करून पाहा. अनेक लोक घरीच मटर पनीर बनवतात. पण तुम्हाला नवीन पदार्थ बनवण्याची आवड अशेल तर तुम्ही मटर मखाना ट्राय करू शकता. मटर मखाना स्वादिष्ट आणि चवदार असून बनवायला देखील सोपी आहे. तुम्ही गरम भात,नानसोबत या भाजीचा आस्वाद घेऊ शकता.

• मटर मखाना बनवण्यासाठी लागणारे साहित्य
  

मखना - 1 कप

वाटाणा - 1/2 कप ताजे

कांदा - 1 बारीक चिरलेला

टोमॅटो - 2 बारीक चिरलेला

आले-लसूण पेस्ट - 1 टीस्पून

हिरवी मिरची - 1 बारीक चिरलेली

मलई किंवा मलाई - 1/4 कप

गरम मसाला - 1/2 टीस्पून

हळद - 1/2 टीस्पून

लाल मिरची पावडर - 1/2 टीस्पून

तेल किंवा तूप - 2 टेबलस्पून

धने पावडर - 1 टीस्पून

जिरे - 1/2 टीस्पून

कसुरी मेथी - 1/2 टीस्पून

मीठ चवीनुसार

• मटर मखाणा बनवण्याची कृती

मटर मखाणा बनवण्यासाठी सर्वात पहिले कढईत थोडे तूप गरम करून मखणा सोनेरी होईपर्यंत तळून घ्यावे. नंतर एका कढईत तेल किंवा तूप गरम करून त्यात जिरे, कांदा, आलं-लसूण पेस्ट आणि हिरवी मिरची घालून परतून घ्यावे. नंतर कांदा सोनेरी झाल्यावर त्यात टोमॅटो, हळद, लाल तिखट आणि धने पावडर घालून चांगले परतून घ्या. मसाला चांगला भाजला की मटर आणि मखणा घालावा. नंतर थोडे पाणी घालावे. चवीनुसार मीठ घाला आणि 10-12 मिनिटे शिजवा.
मटार आणि मखना चांगले शिजल्यावर क्रीम घालावे आणि आणखी 2-3 मिनिटे शिजवावे.
शेवटी गरम मसाला आणि कसुरी मेथी घालून मिक्स करावे. गरमागरम रोटी किंवा भाताबरोबर तुम्ही आस्वाद घेऊ शकता.