Laptop Care Tips: लॅपटॉप हा आपल्या रोजच्या कामाचा सर्वात महत्त्वाचा भाग बनला आहे. ऑफिसचे काम असो किंवा घरातील मनोरंजन असो, लॅपटॉपशिवाय काम पूर्ण करू शकत नाही.

जवळपास सर्वच लोक लॅपटॉपचा वापर करतात. त्यामुळे लॅपटॉपवर विविध प्रकारचे जीवाणू, विषाणू आणि घाण साचतात. ज्यामुळे लॅपटॉप फक्त खराब दिसत नाही तर त्याचे आयुष्यही कमी होते. 

लॅपटॉप स्वच्छ ठेवणे खूप गरजेचे आहे. अनेकदा लोक लॅपटॉप स्वच्छ करण्यासाठी सर्व्हिस सेंटरमध्ये जातात. पण तुम्ही काही सोप्या पद्धतींनी तो स्वच्छ ठेऊन त्याचे आयुष्य वाढवू शकता.

कोणत्याही त्रासाशिवाय आपण लॅपटॉप घरी कसा स्वच्छ करू शकतो? लॅपटॉप स्वच्छ करण्यासाठी काय करावे हे जाणून घेऊया.

• लॅपटॉपची स्क्रीन

लॅपटॉपची स्क्रीन स्वच्छ करण्यासाठी मऊ कापड किंवा मायक्रोफायबर कापड वापरावे.

कपड्यावर काही डिस्टिल्ड वॉटर किंवा स्पेशल स्क्रीन क्लीनर टाकावे. ते थेट स्क्रीनवर टाकणे टाळा.

स्क्रीनवर हळूवारपणे पुसावे. लॅपटॉपच्या स्क्रीनवर पाणी थेट टाकू नये.  

• लॅपटॉपचे कीबोर्ड

लॅपटॉपचे कीबोर्ड स्वच्छ करतांना सर्वात पहिले लॅपटॉप बंद करावे.

कीबोर्डच्या बटणांमधील धूळ स्वच्छ करावी.

कीबोर्ड की स्वच्छ करण्यासाठी अल्कोहोल आणि पाण्याचे समान मिश्रण तयार करा आणि त्यात कापूस बुडवावे नंतप पुसुन काढावे.  

• लॅपटॉपचे टचपॅड आणि बाहेरील भाग

लॅपटॉपचे टचपॅड आणि बाहेरील भाग स्वच्छ करण्यासाठी एक मऊ कापड घ्यावा आणि त्यात थोडे डिस्टिल्ड वॉटर किंवा अल्कोहोलचे मिश्रण मिक्स करावे. हळूवारपणे टचपॅड आणि बाहेरील भाग स्वच्छ करावे. 

• जाणून घ्या काय खबरदारी घ्यावी

लॅपटॉप स्वच्छ करण्यापूर्वी, तो बंद आहे आणि सॉकेटपासून डिस्कनेक्ट झाला आहे याची खात्री करावी.

लॅपटॉपवर थेट पाणी टाकू नका.

कधीही जास्त दबाव देऊन घासण्याचा प्रयत्न करू नका, यामुळे लॅपटॉप खराब होऊ शकतो. 

तुम्ही या पद्धती फॉलो केल्यास तुमचा लॅपटॉप पूर्णपणे स्वच्छ होईल.