Krishna Janmashtami 2023: भाद्रपद महिन्यातील कृष्ण पक्षातील अष्टमी तिथीला कृष्ण जन्माष्टमीचा सण देशभरात मोठ्या थाटामाटात साजरा केला जातो. कृष्ण जन्माष्टमीच्या दिवशी देशभरातील लोक मनोभावे कृष्णाची पुजा करतात. यावेळी 6 सप्टेंबर रोजी जन्माष्टमीचा सण साजरा केला जाणार आहे. परंतु श्रीकृष्णाची पूजा करताना काही गोष्टींची विशेष काळजी घेतली पाहिजे. चला जाणून घेऊया जन्माष्टमीला कोणत्या गोष्टी टाळल्या पाहिजे.

• पंचामृताने अभिषेक करावा

जन्माष्टमीला श्रीकृष्णाला पंचामृताने अभिषेक करावा. पंचामृताने अभिषेक करताना दूध, दही, तूप, मध आणि साखर या गोष्टींचा वापर करावा. श्रीकृष्णाच्या अभिषेकासाठी गाईचे तूप वापरणे शुभ मानले जाते.

• स्वच्छ कपडे घालावे

जन्माष्टमीच्या दिवशी सकाळी लवकर उठून आंघोळ करून स्वच्छ कपडे परिधान करावे. यानंतर घरातील मंदिर स्वच्छ करावे. सुंदर फुलांनी मंदिर सजवावे.

• सुंदर फुलांचा सजावट करावी

भगवान विष्णूंना तुळशी अत्यंत प्रिय आहे. म्हणूनच कृष्ण जन्माष्टमीच्या दिवशी भगवान श्रीकृष्णाला अन्न अर्पण करताना त्यात तुळशीची पाने टाकावीत.

• पिवळ्या रंगाचे कपडे परिधान करावे

कृष्णाचे दुसरे नाव पितांबरी आहे. म्हणून या दिवशी त्यांना पिवळ्या रंगाचे कपडे अर्पण करावे. आणि फुलांनी सजवावे. तसेच, त्याच्या डोक्यावर मोरपिस असलेले मुकुट घालावे.

• घरात बनवलेला प्रसाद

जन्माष्टमीला श्रीकृष्णासाठी फक्त घरी बनवलेला प्रसादच अर्पण करावा. मार्केटमधली मिठाई प्रसाद म्हणून अर्पण करू नका.

• श्रीकृष्णाचा जप करावा

जन्माष्टमीला पुजा करताना हरे कृष्ण मंत्राचा जप करावा. यामुळे श्रीकृष्ण प्रसन्न होतात.