Kidney Care: आपल्या शरीरातील अवयवांपैकी किडनी हा एक महत्वाचा भाग आहे. किडनीचे आरोग्य निरोगी असेल तर तुमचे आरोग्य देखील निरोगी राहते. किडनीसमभित समस्या असेल तर तुम्हाला आहाराकडे लक्ष देणे गरजेचे आहे. किडनी आपल्या शरीरातील विषारी पदार्थ काढून टाकण्याचे काम करतात. त्यामुळे किडनीशी संबंधित समस्यांकडे दुर्लक्ष करू नका.

किडनी निरोगी ठेवण्यासाठी काही पदार्थ टाळले पाहिजे. यामध्ये जास्त सोडियम असलेले पदार्थ, प्रक्रिया केलेले मांस, कार्बोनेटेड पेये आणि उच्च प्रथिनयुक्त पदार्थांचा समावेश आहे. लाइफस्टाइल आणि आहारात बदल करून किडनीसंबंधित समस्या दूर ठेवता येतात.

• लोणचं

किडनीसंबंधित समस्या असलेल्या लोकांनी चुकूनही लोणचं खाऊ नका. लोणच्यामध्ये सोडियमचे प्रमाण जास्त असते. ज्यामुळे हृदयविकाराचा धोका वाढू शकतो. यामुळे लोणचं काणं टाळावे.

• हाय प्रोटीन

निरोगी आरोग्यासाठी हाय प्रथिन पदार्थांचे सेवन करणे गरजेचे आहे. परंतु अशा पदार्थामचे सेवन जास्त प्रमाणात केल्यास किडनीला हानी पोहोचवू शकते. जास्त प्रथिनेयुक्त पदार्थ खाल्ल्याने किडनीवर दबाव येतो. बीन्स, मसूर यासारखे हाय प्रोटीनयुक्त पदार्थांचे सेवन मर्यादित ठेवावे.

• कॉफी

किडनीसंबंधित समस्या असल्यास कॉफी पिणे टाळावे. शरीरातील कॅफीनचे प्रमाण जास्त असल्यास शरीराला डिहायट्रेशन होऊ शकते. त्यामुळे रक्तदाब वाढण्याचाही धोका वाढू शकतो जेव्हा रक्तदाब वाढतो तेव्हा त्याचा किडनीवर दबाव पडतो.

• केळी

केळीमध्ये पोटॅशियम मुबलक प्रमाणात असते. त्यामुळेच किडनीसंबंधित समस्या असलेल्या लोकांनी त्यापासून अंतर ठेवले पाहिजे. तुम्ही अननसाचे सेवन करू शकता. यामध्ये व्हिटॅमिन ए आणि फायबर मुबलक प्रमाणात आढळतात. यामुळे किडनी सुरळित कार्य करते.

• बटाटा

बटाट्यामध्ये पोटॅशियम मुबलक प्रमाणात असते. बटाटे वापरण्यापूर्वी रात्रभर पाण्यात भिजत ठेवावे. त्यामुळे पोटॅशियमचे प्रमाण कमी होते. सर्व पोटॅशियम निघुण जाणे शक्य नाही. त्यामुळे किडनीच्या रुग्णांनी जास्त बटाटे खाऊ नयेत.