मेंदू (brain) हा शरीरातील सर्वाधिक महत्वाचा घटक आहे. त्याच्या परवानगीशिवाय शरीर कुठलीही गोष्ट करु शकत नाही. त्यामुळे मेंदू सशक्त आणि सुस्थितीत असणे आवश्यक आहे. त्याचे आरोग्य टिकवून ठेवणे हे सर्वात महत्वाचे आहे. अनेकदा आपल्या मेंदूच्या नसांमध्ये वेदना होतात. वास्तविक, याची अनेक कारणे आहेत आणि त्याकडे दुर्लक्ष केल्यास याची मोठी किंमत आपल्याला चुकवावी लागू शकते.

मेंदू सर्व मज्जातंतूंशी जोडलेला आहे आणि त्यात थोडासा अडथळा देखील संपूर्ण शरीराच्या कार्यावर परिणाम करू शकतो. कधी-कधी शरीराच्या काही नसांमध्ये कमजोरी येते आणि त्रास होऊ लागतो. मज्जातंतूंच्या कमकुवतपणाची अनेक कारणे आहेत. मेंदूच्या नसांमध्ये कमजोरी का येते आणि ती निरोगी ठेवण्यासाठी काय करायला हवे,ते आपण पाहू

मेंदूला दुखापत, शरीरातील काही पोषक घटकांची कमतरता आणि नसांवर दबाव या सर्व कारणांमुळे मेंदूला वेदना होत असतात. यासोबतच कधी संसर्गामुळे तर काही औषधांमुळे मेंदूच्या नसांमध्ये कमजोरी येते. याशिवाय, कधीकधी इतर कारणांमुळे मेंदूच्या मज्जातंतूंमध्ये कमकुवतपणा येतो. वास्तविक, मेंदूच्या कमकुवतपणामुळे सर्व पेशींपर्यंत ऑक्सिजन योग्य प्रकारे पोहोचू शकत नाही

यासोबतच कधी कधी मेंदूच्या विशिष्ट भागाकडे जाणार्‍या नसांमध्ये रक्त साचल्यामुळे अचानक तीव्र डोकेदुखीचा त्रासही होऊ शकतो. त्याचप्रमाणे, जर तुमच्या शरीरात मुंग्या येत असतील तर ही देखील मेंदूच्या नसांच्या कमकुवतपणाची लक्षणे आहेत. मेंदूच्या नसांमध्ये रक्त योग्यरित्या पोहोचत नाही, ज्यामुळे शरीराच्या वेगवेगळ्या भागात मुंग्या येणे सुरू होते.

हात स्थिर ठेवल्यानंतरही कंप पावणे, हालचाल मंदावणे, अवयव आखडणे, विचार प्रक्रिया मंदावणे ही लक्षणे दिसतात. अनेकदा या आजारात रुग्णाला चालणे, बोलणे, साध्यासुध्या क्रिया करणेदेखील अवघड होते. यातूनच पुढे जाऊन नैराश्य, झोपेची व बोलण्याची समस्या उद्भवते.