Tips For Travelling: पावसाळ्याचा ऋतुला सुरुवात झाली की बाहेर फिरायला जाण्याचे प्लॅन सुरु होतात. मात्र अनेकांना प्रवासात आजारपण येते किंवा प्रवासादरम्यान उलट्यांचा त्रास सुरु होतो.

त्यामुळे ज्यांना असा प्रवासाचा त्रास होतो त्यांनी आपली काळजी घेणे आवश्यक आहे. आज आपण प्रवासादरम्यान कोणती काळजी घ्यावी हे पाहणार आहोत.

1.जर तुम्हाला गॅस आणि अॅसिडिटीची समस्या असेल तर प्रवासादरम्यान आवश्यक औषधे सोबत ठेवा आणि डॉक्टरांच्या सल्ल्याने खा.

2. लांबच्या प्रवासाआधी तुम्ही तुमच्या आरोग्याची काळजी घेतली पाहिजे, जर तुम्ही आधीपासूनच आजारी असाल तर प्रवास टाळला पाहिजे.

3. जेव्हाही तुम्हाला लांबच्या प्रवासाला जावे लागते तेव्हा या दिवशी चहा आणि कॉफीपासून दूर राहा कारण यामुळे पोटात गॅस निर्माण होतो ज्यामुळे तुमची पचनक्रिया बिघडते.

4. प्रवासाला निघण्यापूर्वी काहीतरी खाणे गरजेचे आहे सहज पचतील अशा गोष्टी खा.

5. प्रवासात अनेकदा उलट्या होत असल्यास वेलची तोंडात ठेवा, मळमळ होण्याची तक्रार दूर होईल.

6. प्रवासाला निघाल्याच्या दिवशी सकाळी रिकाम्या पोटी अर्धा चमचा ओवा आणि काळे मीठ प्या, गॅसची समस्या उद्भवणार नाही.

7. प्रवासात सकाळी रिकाम्या पोटी कोमट दूध पिणे टाळा.

8. वाटेत शरीरात पाण्याची कमतरता भासू देऊ नका, पाणी किंवा फळांचा ज्युस सोबत ठेवा.

9. प्रवासात लिंबू, संत्री, गोड लिंबू यांसारखी लिंबूवर्गीय फळे ठेवा आणि प्रवासादरम्यान ही फळे खात राहा.

10. अर्धा ग्लास पाण्यात एक चमचा सफरचंद व्हिनेगर मिसळा आणि सकाळी प्या, यामुळे पचनक्रिया चांगली राहते.

11. प्रवासादरम्यान तुमच्यासोबतच तुमच्या वाहनांचीदेखील काळजी घ्या.

अशा प्रकारे प्रवासाला निघण्यापूर्वी स्वत:ची काळजी घेतली तर तुमचा प्रवास चांगला होऊ शकतो आणि आपला प्रवास सुखकर करु शकतो.