अनेकांना दही खायला खुप आवडते. उन्हाळ्यात दह्याचे अधिक सेवन केले जाते. उन्हाळ्यात भारतीय लोकांच्या ताटात दही आणि ताक यांना विशेष स्थान असते. तुमच्या जेवणाची चव वाढवण्यासोबतच ते आरोग्याच्या दृष्टीनेही खूप फायदेशीर असते. लोक विविध प्रकारे दही खातात. कोशिंबीरपासून दही भातापर्यंत अनेक रेसिपी बनवल्या जातात. पचनक्रिया व्यवस्थित ठेवण्यासोबतच दही रोगप्रतिकारशक्तीही वाढवते. पण आयुर्वेदानुसार दही खाण्याच्या चुकीच्या पध्दतीमुळे आरोग्य खराब होउ शकते.

दह्यामध्ये असे अनेक बॅक्टेरिया आढळतात, जे आपल्या पोटासाठी चांगले असतात. याशिवाय जे लोक लॅक्टोज इन्टॉलरेंट आहेत, ते दुधाऐवजी दही खाऊ शकतात. दही तुमच्या शरीरातील कॅल्शियमची गरज पूर्ण करते.

दह्यामध्ये व्हिटॅमिन बी 6, बी 12, व्हिटॅमिन A, रायबोफ्लेविन, पेंटोथेनिक अॅसिड आढळतात. त्यात लॅक्टिक अॅसिड असते, ज्याच्या मदतीने शरीर पोषक तत्वे शोषून घेते. ज्यां लोकांना दही (Curd) आवडते ते कधीही खातात. पण आयुर्वेदानुसार (Ayurveda Tips) दही खाण्याचे आणि त्यातून जास्तीत जास्त फायदा मिळण्यासाठी काही नियम आहेत.

आयुर्वेदानुसार दही चवीला आंबट आणि त्याचा गुणधर्म उष्ण असून पचायला जड असते. यामुळे वजन वाढते, शक्ती वाढते, कफ आणि पित्त वाढते तसेच पचनशक्ती वाढते. दही गरम करू नये, अन्यथा त्यातील पोषक घटक नष्ट होतात.

1) जे लोक लठ्ठ आहेत, कफाची समस्या आहे, ज्यांना रक्तस्रावाचा विकार आहे किंवा जळजळ होण्याची समस्या आहे, त्यांनी दही खाऊ नये.

2) दही रात्री कधीही खाऊ नये.

3) दही रोज खाऊ नये. जर तुम्हाला दही आवडत असेल तर रोज ताक प्या आणि त्यात काळे मीठ, काळी मिरी आणि जिरे घालायला विसरू नका.

4) दह्यात फळे (Fruits) कधीही टाकू नका. जर तुम्ही हे दीर्घकाळ केले तर चयापचय समस्या आणि एलर्जी देखील होऊ शकते.

5) दही मांस (Fish) किंवा मासेसोबत खाऊ नये. चिकन, मटण किंवा मासेसोबत दह्याचे मिश्रण शरीरासाठी विषारी असू शकते.