Health Care Tips - अनेकजन भाज्यासोबत फळ (Fruits) देखील फ्रीजमध्ये ठेवतात. असे केल्यास फळ बराच वेळ ताजी राहून खराब होणार नाही असे त्यांना वाटते. परंतु असे काही नसते. उलट फळे फ्रीजमध्ये ठेवल्यास आरोग्यास (Health) धोकादायक ठरू शकते. फळे फ्रीजमध्ये ठेवणे चुकीचे आहे. अनेक फळे फ्रीजमध्ये ठेवल्याने खराब होतात. रसाळ फळे (Juicy fruits)फ्रीजमध्ये ठेवणे टाळावे. अशी फळे फ्रीजमध्ये ठेवल्यास आरोग्यास फायदा होण्याएवजी नुकसानच होऊ शकते. आज जाणून घेऊया कोणती फळे फ्रीजमध्ये ठेवावी

केळी -

हे फळ चुकूनही फ्रीजमध्ये ठेऊ नका. फ्रीजमध्ये ठेवल्यास फळे काळी पडू शकतात. हे फळ फ्रीजमध्ये ठेवल्याने त्यातील इथिलीन गॅस बाहेर पडतो. त्यामुळे फ्रीजमधील इतर फळे लवकर पिकतात. म्हणूनच केली कधीच फ्रीजमध्ये ठेवू नये.

टरबूज- खरबूज

टरबूज या फळात मुबलक प्रमाणात पाणी असते. यामुळे उन्हाळ्यात हे फळ भरपूर प्रमाणात खाल्या जाते. परंतु हे फळ आकाराने खूप मोठे असल्याने एकाच वेळी संपवणे कठीण असते. या वेळी बरेच लोक टरबूज- खरबूज हे फळ कापल्यानंतर फ्रीजमध्ये ठेवतात. असे करणे चुकीचे आहे. टरबूज - खरबूज यासारखी रसाळ फळे कापून फ्रीजमध्ये ठेवणे टाळावे. हे फळ फ्रीजमध्ये ठेवल्यास त्यातील अँटीऑक्सिडंट नष्ट होण्याची शक्यता असते. परंतु तुम्हाला हे फळ जर थंड करून खायचे असेल तर तुम्ही थोडा वेळ फ्रीजमध्ये ठेऊ शकता .

सफरचंद -

सफरचंद हे फळ आरोग्यास लाभदायी असते. हे फळ फ्रीजमध्ये ठेवल्यास लवकर पिकू शकते. सफरचंदात असलेल्या एन्झाईम्समुळे ते वेगाने पिकते. यामुळेच ते काळे देखील पडू शकते. सफरचंद फ्रीजमध्ये ठेवणे टाळावे. या फळाला जास्त वेळ टिकून ठेवायचे असेल तर त्याला कागदात ठेवावे. तसेच बिया असणारी फळे जसे की, चेरी , पीच हे देखील फळ फ्रीजमध्ये ठेवणे टाळावे.

आंबा -

फळांमध्ये आंबा हे फळ फळांचा राजा म्हणून ओळखला जातो. आंबा फ्रीजमध्ये ठेवल्याने त्यातील अँटीऑक्सिडंट कमी होऊ शकतात. यामुळेच त्या फळातील पोषाक तत्वे नष्ट होतात. या फळाला कार्बाईडनेपिकवल्या जाते. यामुळेच कार्बाईड पाण्यात मिसळल्यास हे फळ लगेच खराब होऊ शकते.

लिची -

लीची हे फळ चवीला कुप स्वादिष्ट असते. पण चुकूनही हे फळ फ्रीजमध्ये ठेऊ नका. लीची फळाला फ्रीजमध्ये ठेवल्यास ते वरुण त चांगले राहते परंतु त्याचा आतील भाग खराब होऊ शकतो. त्यामुळेच फळ खाण्या योग्य देखील राहत नाही.