Astro Tips About Broom: स्वच्छ घरात देवी-देवतांचा आणि विशेषत: लक्ष्मीचा वास असतो. त्यासाठी नियमितपणे घराची स्वत्छता करण्याला महत्व दिले जाते. घराच्या स्वच्छतेसाठी आपण झाडूचा वापर करतो आणि हिंदू धर्मात लक्ष्मीचा वास झाडूमध्ये असतो असे मानले जाते. ज्योतिषशास्त्रातही झाडूशी संबंधित अनेक मान्यता सांगितल्या आहेत. झाडू संबंधित या गोष्टींची योग्य काळजी न घेतल्यास घरात गरीबी किंवा दारिद्र्य येऊ शकते असे मानले जाते. त्यामुळे झाडू संबधित ज्योतिषशास्त्रात सांगितलेल्या काही गोष्टी लक्षात ठेवणे अतिशय गरजेचं आहे.

झाडूला पाय लागला तर काय करावे?

ज्योतिष आणि वास्तुशास्त्रामध्ये झाडूबाबत अनेक नियम सांगण्यात आले आहेत. कधी कधी झाडूवर आपला पाय पडतो. पण, झाडूवर पाय ठेवणे हा लक्ष्मीचा अपमान मानला जातो. तुमचा पाय कधी झाडूला लागला तर, हाताने झाडूला स्पर्श करून माता लक्ष्मीची क्षमा मागा. किंवा झाडू कपाळाला लावत माफी मागा. असे वास्तुशास्त्रात सांगितले आहे.

झाडू संबंधित इतर काही नियम

वास्तुशास्त्रात सांगितल्याप्रमाणे झाडू कधीही उभा ठेवू नये. नेहमी खाली पडून ठेवावा. उभ्या ठेवलेल्या झाडूमुळे घरात समस्या येऊ शकतात, ज्यामुळे तुम्हाला अनेक त्रासांना सामोरे जावे लागू शकते. अशी मान्यता आहे.

वास्तुशास्त्रानुसार घरात वापरण्यात येणारा कधीच झाडू तोडू नये. घरातील झाडू तुटला किंवा खराब झाला तर तो लगेच बदलण्यात यावा. याशिवाय शुक्रवारी आणि गुरुवारी झाडू घराबाहेर फेकू नका हे लक्षात ठेवा.

सूर्यास्तानंतर घरात झाडू वापरू नये असे वास्तुशास्त्रात सांगितले आहे. असे केल्याने घरात आर्थिक समस्या उद्भवू शकतात. घराच्या दक्षिण-पश्चिम किंवा दक्षिण दिशेला झाडू ठेवल्यास आयुष्यात कधीही धनाची हानी होत नाही. असे वास्तुशास्त्रात सांगितले आहे.

झाडू कधीही कपाटाच्या मागे किंवा तिजोरीच्या मागे ठेवू नये. असे मानले जाते की यामुळे धनाची हानी होण्याची शक्यता वाढते. असे वास्तुशास्त्रात म्हटले आहे.