Actress Kajol: आपल्या दमदार अभिनयाने बॉलिवुडवर राज्य करणारी अभिनेत्री काजोल (Kajol) आजही खूप सुंदर दिसते. तिच्या सौंदर्याचे लाखो चाहते आहेत. काजोल मेकअप केल्यावर जेवढी सुंदर दिसते तेवढीच ती मेकअप न करता पण दिसते. काजोलसारख्या मोठ्या अभिनेत्री महागडे ब्युटी प्रॉडक्ट वापरुन मेकअप करतात म्हणून इतक्या सुंदर दिसतात,असं बोललं जातं, पण ते खरं नाही. काजोल आपल्या त्वचेची (Skin) काळजी घेण्यासाठी काही घरगुती उपाय पण करते.

काजोल हेल्दी स्किनसाठी करत असलेले घरगुती उपाय आपण जाणून घेऊयात. काजोल घरात उपलब्ध असलेल्या काही गोष्टींचा वापर स्किनसाठी करते. काजोलचं सर्वात मोठं ब्युटी सिक्रेट म्हणजे ती चेहऱ्यावर मेकअप ठेऊन कधीच तशी झोपत नाही.

एका मुलखतीमध्ये तिने सांगितले होते की, मी कितीही थकले असेल तरी रात्री झोपण्याआधी मेकअप रिमूव्ह करते. त्यानंतर छान नाईट क्रिम लावते. काजोल आपल्या डेली रुटीनमध्ये चेहऱ्याला क्लींजींग करते. त्यानंतर टोनिंग करते. मग चेहऱ्यावर मॉइश्चराइजर लावते. यामुळे चेहरा हाइड्रेट राहतो.

तसेच, चेहऱ्याचा ग्लो कायम राखण्यासाठी काजोल डेली रुटीनमध्ये भरपूर पाणी पिते. पाणी प्यायल्यामुळे चेहऱ्याचे तेज वाढते. तसेच काजोल घराबाहेर पडताना सनस्क्रिन लावणे विसरत नाही. ऊन्हाच्या झळांपासून त्वचेचे संरक्षण करण्यासाठी सनस्क्रिन लावणे आवश्यक आहे. काजोलप्रमाणे या उपायांचा वापर करुन तुम्ही आपल्या त्वचेची छान काळजी घेऊ शकता.