पाकिस्तान: पाकिस्तान सध्या गंभीर अशा आर्थिक संकटाचा सामना करत आहे. लोक दोन वेळच्या अन्नासाठी संघर्ष करतायेत.

नवाझ शरीफ: आर्थिक संकटाचा सामना करणाऱ्या पाकिस्तानला वाढत्या प्रदूषणाचाही सामना करावा लागत आहे. यासाठी नवाझ शरीफ आणि त्यांची लेक मरियम नवाझ यांनी 'क्लायमेट डिप्लोमसी' चे आवाहन केले आहे.

भारताला हाक: नवाझ शरीफ यांनी 'चीफ मिनिस्टर क्लायमेट लीडरशिप डेव्हलपमेंट इंटर्नशिप प्रोग्राम'च्या उद्घाटन समारंभात बोलताना भारताला हाक दिली.

पाकिस्तान दौरा: भारताचे परराष्ट्र मंत्री एस जयशंकर पुढील आठवड्यात शांघाय सहकार्य शिखर परिषदेत सहभागी होण्यासाठी पाकिस्तानच्या दौऱ्यावर जात असताना शरीफ यांनी हे आवाहन केले आहे.

भारताची मदत: लाहोर हे जगातील सर्वात प्रदूषित शहरांपैकी आहे. दरवर्षी हिवाळ्यात इथे श्वसनाचा त्रास सुरु होतो. त्यामुळे या मुद्यावर भारताशी बोलून मदत घेण्याबद्दल मरियम नवाझ यांनी मानस व्यक्त केला.

प्रदूषण: पाकिस्तान सध्या वाढत्या प्रदूषणाचा सामना करत आहे. दरवर्षी हिवाळ्यात लाहोरमध्ये दिल्लीसारखी परिस्थिती निर्माण होते.