ममता कुलकर्णी ही 90 च्या दशकातील एक लोकप्रिय बॉलिवूड अभिनेत्री आहे. तिचे करिअर 1990 च्या दशकाच्या सुरुवातीस सुरू झाले आणि ती अनेक हिट चित्रपटांमध्ये झळकली. तिच्या अभिनयासोबतच ती तिच्या वादग्रस्त घटनांसाठी देखील चर्चेत राहिली.
ममता कुलकर्णीनं अनेक चित्रपटांमध्ये काम केलंय. करण अर्जुन (1995), सबसे बड़ा खिलाड़ी (1995), चाइना गेट" (1998), आशिक आवारा (1993) अशा अनेक चित्रपटामंध्ये तिनं काम केलंय. तिचं करिअर काही काळ चांगलं चाललं, पण नंतर तिनं बॉलिवूडमधून अचानक ब्रेक घेतला. पुढे ती काही वादग्रस्त प्रकरणांमध्ये अडकली आणि चर्चेत राहिली.
ममता कुलकर्णी सर्वप्रथम वादाच्या भोवऱ्यात आली जेव्हा तिने 1993 मध्ये स्टारडस्ट मॅगझिनसाठी टॉपलेस फोटोशूट केले. त्या काळी हे अत्यंत धक्कादायक मानले जात होते. या फोटोशूटमुळे तिच्यावर टीका झाली, तसेच तिच्या विरोधात अनेक तक्रारी दाखल झाल्या. तिच्यावर अश्लीलता आणि सार्वजनिक भावना दुखावल्याचा आरोप ठेवण्यात आला.
विकी गोस्वामी हा एक ड्रग तस्कर होता, जो एक मोठ्या ड्रग माफिया रॅकेटचा भाग होता. 2016 मध्ये, ठाणे पोलिसांनी एका मोठ्या ड्रग तस्करी रॅकेटचा पर्दाफाश केला, ज्यामध्ये ममता कुलकर्णी आणि विकी गोस्वामी यांचे नाव समोर आले. यावरून, दोघांच्या लग्नाच्या आणि त्याच्या ड्रग धंद्यांशी असलेल्या संबंधांविषयी चर्चा सुरू झाली. मीडिया रिपोर्ट्सनूसार, ममता कुलकर्णीने विकी गोस्वामीशी लग्न केले आणि नंतर ती त्याच्या सोबत केनियात स्थायिक झाली
ममता कुलकर्णीचे दाऊद इब्राहीम सोबतचे संबंध एक मोठा वादग्रस्त मुद्दा होता. दाऊद इब्राहीम हा भारताचा सर्वात मोठा अंडरवर्ल्ड डॉन आहे आणि त्याच्या संबंधांमध्ये अनेक प्रसिद्ध व्यक्तींचे नाव समोर आले आहेत. त्यात ममता कुलकर्णीचंही नाव होतं.
ममता कुलकर्णी गेल्या काही दिवसांपासून पुन्हा चर्चेत आली आहे. अभिनेत्रीने महाकुंभ मेळ्यात संन्यास घेतला. ती किन्नर आखाड्याची महामंडलेश्वर बनली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.