भारत आणि इंग्लंड यांच्यातील दुसरा टी-२० सामना चेन्नईमध्ये खेळवण्यात आला. या सामन्यात टीम इंडियाने इंग्लंडचा २ विकेट्सने पराभव केला. इंग्लंडने टीम इंडियासमोर १६६ धावांचं लक्ष्य ठेवले होतं.

टीम इंडियाने हा सामना ८ विकेट्स गमावून जिंकला. या सामन्यात टीम इंडियाच्या विजयाचा हिरो तिलक वर्मा होता. त्यानं ५५ चेंडूत ७२ धावांची खेळी केली. या सामन्यात तिलक वर्मानं इंग्लंडच्या जबड्यातून विजय हिसकावून घेतला.

तिलक वर्मानं या खेळीदरम्यान ४ चौकार आणि ५ षटकार मारेल. तिलक वर्मानं सुंदर, बिश्नोई आणि अर्शदीपसोबत महत्त्वाच्या भागीदारी केल्या आणि टीम इंडियाला विजय मिळवून दिला. दुसऱ्या टी-20 सामन्यात भारताचा विजय झालाय, मात्र विराट कोहलीचं टेन्शन वाढलं आहे.

आयपीएल स्पर्धेत गेल्या 17 वर्षांपासून आरसीबीला एकही विजेतेपद मिळवता आलं नाहीय. 2024च्या लिलावात आरसीबीनं चांगली कामगिरी करणाऱ्या खेळाडूंवर बोली लावली आहे. यात इंग्लंड संघातील तीन खेळाडूंचा समावेश आहे.

भारतीय मैदानावर टी-20 मालिकेत इंग्लंडचे फलंदाज अपयशी ठरत असल्याचं पाहायला मिळतंय. फिल सॉल्ट आणि लियाम लिव्हिंगस्टोन यांना पहिल्या दोन सामन्यांमध्ये चांगली कामगिरी करता आली नाहीय. तसंच फिल सॉल्टही खराब फॅार्ममध्ये असल्याचं पाहायला मिळतंय.

या खेळाडूंच्या खराब कामगिरीमुळं आता आरसीबी संघ टेन्शनमध्ये आला आहे. लवकरच आयपीएल सुरू होणार आहे, आरसीबीच्या खेळाडूंची खराब कामगिरी पाहता संघाला विजेतेपद जिंकण कठीण वाटत आहे.