पिळर्ण येथील गोवा औद्योगिक वसाहतीमधील ‘बर्जर बेकर कोटिंग्स प्रायव्हेट लिमिटेड’ कंपनीला मंगळवारी दुपारी भीषण आग लागल्याने कोट्यवधी रुपयांचे नुकसान झाले.

या कंपनीचे गोदाम या दुर्घटनेत पूर्णतः जळून खाक झाले. ही आग शॉर्ट सर्किटमुळे लागल्याचे कंपनीकडून सांगण्यात आले.

आगीवर नियंत्रण मिळविल्यानंतर आता कपंनीती कूलिंगचे काम सुरू आहे.

दरम्यान, आगीनंतर कपंनीचे झालेले नुकसानाचे फोटो समोर आले आहेत.

कंपनीच्या भिंती पडल्या आहेत, पत्रे आणि इतर साहित्याचे नुकसान या फोटोंमधून दिसत आहे.

अजूनही कंपनीत काही ठिकाणी आग धूमसत असून अग्निशमन दलाचे जवान घटनास्थळी आग विझविण्याचे काम सुरू आहे.

कंपनीत अनेक वस्तू जळल्याने राखेचे ढिग दिसत आहेत.

क्रेनच्या सहाय्याने आग विझवताना अग्निशमनदलाचे जवान

रात्री उशिरापर्यंत अग्निशमन दलाकडून या आगीवर नियंत्रण मिळविण्याचे काम सुरू होते. राज्यभरातून मागवलेले 40 बंब ही आग विझवण्यासाठी कार्यरत होते. शिवाय लष्करासह नौदलाचीही याकामी मदत घेण्यात आली. 

या दुर्घटनेनंतर कंपनीच्या दोनशे मीटर क्षेत्रातील लोकांना सुरक्षितस्थळी हलविले. शिवाय स्थानिक लोकांसाठी मार्गदर्शक सूचनाही जारी करण्यात आल्या.

आगीत कंपनीचे कोट्यावधी रूपयांचे नुकसान झाल्याची माहिती समोर आली आहे.

दरम्यान, कपंनीत सध्या मोठ्या प्रमाणावर अग्नशमन दलाचे जवान तसेच, इतर कर्मचारी ढिगारे हलविण्याचे काम करत आहेत.