गोवा: गोवा म्हटलं की, येथील प्रसिद्ध समुद्रकिनारे, मार्केट्स, चर्च आपल्या डोळ्यांसमोर येतात. पण येथील प्राचीन मंदिरेही साद घालतात.

गोव्याची ओळख: गोवा हे मंदिरांसाठीही खूप प्रसिद्ध आहे. येथील मंदिरे पाहण्यासाठी पर्यटक मोठी गर्दी करतात. आज आपण या फोटोस्टोरीच्या माध्यमातून गोव्यातील सर्वाधिक मंदिरे असणाऱ्या गावाविषयी जाणून घेणार आहोत.

मंदिराचं गाव: गोव्यात असे एक गाव आहे, जिथे एकदोन नव्हे तर तब्बल 30-35 मंदिरे आहेत. फोंडा तालुक्यातील माशेल हे गाव मंदिराचे गाव म्हणून ओळखले जाते.

वैशिष्ट: या गावाचे वैशिष्ट्य म्हणजे या गावात बहुतांश देवतांची मंदिरे आहेत आणि त्यातही विशेष आकर्षण म्हणजे इथे इतरत्र कुठेही पाहायला न मिळणारे कृष्ण आणि देवकी यांचे मंदिर आहे.

माशेलातील मंदिरे: माशेल इथे असणाऱ्या मंदिरांमध्ये 2 रवळनाथ मंदिरे, 3 शांतादुर्गा मंदिरे, मल्लिनाथ मंदिर, गणेश मंदिर, विठोबा मंदिर अशी विविध देवतांची मंदिरे आहेत.

मंदिराशिवाय माशेलची ओळख: मंदिराशिवाय माशेलमध्ये मोठ्या उत्साहात चिखलकाला उत्सव साजरा केला जातो.