गोवा: निसर्ग सौंदर्य, समुद्रकिनारे, क्लब, नाईटलाइफ आणि बरच काही... अशी गोव्याची सध्याची ओळख. दरवर्षी मोठ्यासंख्येने पर्यटक गोव्याला भेट देतात.

गोव्यातील प्रसिद्ध किल्ले: गोव्यात अनेक प्रसिद्ध किल्ले आहेत. तुम्ही गोव्याला गेलात की हमखास अग्वादचा किल्ला पाहता. पण आज आम्ही तुम्हाला या फोटोस्टोरीच्या माध्यमातून तुम्ही कधीही भेट न दिलेल्या किल्ल्याविषयी सांगणार आहोत.

नानुज किल्ला: गोव्यात छत्रपती शिवाजी महाराजांनी बांधलेल्या किल्ल्यांपैकी एक असणारा 'नानुज किल्ला' भुरळ घालतो. 17 व्या शतकात महाराजांनी हा किल्ला बांधला होता.

कुठे आहे?: उत्तर गोव्यातील सत्तरी तालुक्यातील वाळपाई येथे नानुज किल्ला आहे.

स्थापत्य शैलीचे दर्शन: नानुज किल्ल्याच्या माध्यमातून इंडो-पोर्तुगीज स्थापत्य शैलीचे दर्शन होते.

आकर्षण: इतिहासप्रेमी आणि पर्यटकांना हा किल्ला आकर्षित करतो. मात्र, सरकारने या किल्ल्याच्या जीर्णोद्धारासाठी कोणतेही विशेष प्रयत्न केले नाहीत.

कसे पोहोचायचे?: पणजीपासून अंदाजे 48 किलोमीटर अंतरावर असलेल्या नानुज किल्ल्यावर फोंडा किंवा पणजीमार्गे पोहोचता येते.