गोवा पर्यटन: गोव्याला लाखो पर्यटक दरवर्षी भेट देतात. गोव्यात गडकिल्ल्यांची उत्तमरित्या जोपासना करण्यात आलीय. पर्यटक खासकरुन पावसाळ्यात किल्ले पाहण्यासाठी मोठी गर्दी करतात.

गोव्यातील गडकिल्ले: आज आपण फोटोस्टोरीच्या माध्यमातून गोव्यातील गडकिल्ल्यांविषयी जाणून घेणार आहोत. गोव्यातील किल्ल्यांनाही तुम्ही आवर्जून भेट दिली पाहिजे.

गोव्यात 42 किल्ले: डोंगरकपारीने वेढलेल्या या राज्यांत तब्बल 42 किल्ल्यांची नोंद झालेली आहे. चला तर मग 5 महत्त्वाच्या किल्ल्यांविषयी जाणून घेऊया...

अग्वाद किल्ला (Aguada Fort): उत्तर गोवा जिल्ह्यातील बार्देश तालुक्यात हा किल्ला स्थित आहे. गोव्यातील पोर्तुगीज कारभाराचं सत्ताकेंद्र राहिलेला एक भव्य आणि प्रसिद्ध असलेला अग्वाद किल्ला आहे.

शापोरा किल्ला (Chapora Fort): उत्तर गोवा जिल्ह्यातील बार्देश तालुक्यातच हाही किल्ला आहे. गोव्यातील लोकप्रिय किल्ल्यांपैकी एक शापोरा किल्ला आहे.

खोर्जुवे किल्ला (Corjuem Fort): उत्तर गोवा जिल्ह्यातील बार्देश तालुक्यातील हळदोने गावाजवळ, म्हापसा नदीच्या किनाऱ्यावर एका छोट्या बेटावर हा किल्ला इ.स. 1550 मध्ये बांधण्यात आला होता.

मुरगाव किल्ला (Mormugao Fort): गोव्याच्या दक्षिण जिल्ह्यात वास्को पासून 4 कि.मी. अंतरावर हा किल्ला आहे. मुरगाव बंदर हे खोल समुद्राचे नैसर्गिक बंदर आहे. व्यापारी जहाजे हा पोर्तुगीजांच्या उत्पन्नाचा महत्वाचा स्त्रोत होता.

राशोल किल्ला (Rachol Fort): दक्षिण गोव्यातील सासष्टी तालुक्यात मडगावच्या ईशान्येस साधारण 5 कि.मी. अंतरावर हा किल्ला आहे. आता या किल्ल्याचे काही थोडेफार अवशेष शिल्लक आहेत.