आशियातील सर्वात श्रीमंत व्यक्ती मुकेश अंबानी यांचा धाकटा मुलगा अनंत अंबानी आणि राधिका मर्चंट विवाहबंधनात अडकले.

या शाही विवाह सोहळ्यातील मेन्यूही शाही होता. हा शाही मेन्यू बनवण्यासाठी खास शेफना बोलावण्यात आले होते.

खासकरुन शाकाहारी मेन्यूची खूप चर्चा झाली.

शाकाहारी खाद्यपदार्थ बनवण्यासाठी दिग्गज शेफ वर्जिलिया मार्टिनेज आणि गोव्याचे प्रसिद्ध शेफ अविनाश मार्टिन्स यांना बोलावण्यात आले होते.

अविनाश यांनी खासकरुन गोव्याच्या खाद्यसंस्कृतीचे दर्शन घडवून दिले. त्यांनी खास गोवन पद्धतीचे शाकाहारी पदार्थ बनवून मैफिल लुटली.

अविनाश यांनी गोव्याची सुप्रसिद्ध मशरुम शागुती, ग्रील्ड स्वीट पोटॅटो, कॉर्न गॅलेट, सोल कढी, बनवले.

शेफ अविनाश मार्टिन दक्षिण गोव्यातील बाणावली येथे कॅव्हॅटिना कुसीना हे रेस्टॉरंट चालवतात. त्यांनी गोवन फूडला देशासह विदेशात प्रसिद्धी मिळवून दिली आहे.