पणजी: विदेशस्थ भारतीय नागरिक (ओसीआय) या ओळखपत्रासाठी अर्ज केलेल्या गोमंतकीयांच्या अर्जांची स्थिती, हा प्रश्‍‍न कामकाजात का समाविष्ट केला नाही, अशी विचारणा विरोधी पक्षनेते युरी आलेमाव यांनी विधानसभेत केली.

ते म्हणाले, गोमंतकीयांसाठी हा प्रश्‍‍न महत्त्‍वाचा असताना सरकार उत्तर देण्याचे का टाळत आहे? सदर प्रश्‍‍न आतारांकित होता. त्याला सरकारला उत्तर देता आले असते. सरकारने हा प्रश्‍‍न अमान्य केला आहे. त्याचे कारण तरी सरकार देणार आहे का?

त्यावर मुख्यमंत्री डॉ. प्रमोद सावंत यांनी या प्रश्नाचे उत्तर १६ जुलै रोजी दिलेले आहे. त्यामुळे पुन्हा हा प्रश्‍‍न स्वीकारला नाही असा खुलासा करून हा विषय गुंडाळला.