म्हापसा : गिरी येथील उड्डाणपुलाच्या परिसरात रविवारी रात्री उशिरा पावणेबाराच्‍या
सुमारास झालेल्या अपघातात दुचाकीस्वार प्रमेश मडगावकर (पालये-उसकई) या 21 वर्षीय युवकाचा मृत्यू झाला. तर, सिद्धेश कळंगुटकर (रा. कळंगुट) हा जखमी झाला आहे. सिद्धेश हा दुचाकी चालवत होता, तर मयत प्रमेश त्याच्या मागे बसला होता.

यासंदर्भात माहिती देताना म्हापसा (mapusa) पोलिसांनी सांगितले की, दुचाकीस्‍वार पर्वरीहून म्हापशाच्या दिशेने येत असताना उड्डाणपुलावर त्यांच्या दुचाकीची धडक एका कारगाडीला बसली. त्यानंतर दुभाजकाला व दुसऱ्या एका जीपला त्या वाहनाने धडक दिली. या अपघातात प्रमेशचे डोके दुभाजकावर आदळून तो गंभीर जखमी झाला होता. त्याला म्हापसा येथील जिल्हा इस्पितळात दाखल केले असता तेथील डॉक्टरांनी मृत घोषित केले. पोलिस (police) उपनिरीक्षक आशिष पोरोब व हवालदार तुळशीदास नारोजी यांनी अपघाताचा (Accident) पंचनामा केला. अधिक तपास सुरू आहे.

दरम्यान, करमणे येथे एक व्यक्ती मृतावस्थेत सापडल्याने खळबळ उडाली आहे. या प्रकरणाची कोलवा पोलिसांनी अनैसर्गिक मृत्यू अशी नोंद केली असून पुढील तपास सुरु केला आहे. या कनर्ल सिंग असं या मृत व्यक्तीचं नाव असल्याची प्राथमिक माहिती आहे.

करमणे येथे मृत व्यक्ती सापडल्याची पोलिसांना (Police) माहिती मिळताच तातडीने पोलिसांचं पथक घटनास्थळी दाखल झालं. मृत व्यक्तीला दक्षिण गोवा जिल्हा हॉस्पिटलमध्ये दाखल करण्यात आले होते. यावेळी तपासणीनंतर रुग्णालयातील डॉक्टरांनी त्या व्यक्तीला मृत घोषित केले आहे. मालीम-बेती जेटीवर शुक्रवारी रात्री मारहाण करून नदीत फेकून दिलेल्‍या शिब्रण राम (20, मूळ छत्तीसगड) या मच्छीमारी बोटीवर काम करणाऱ्या कामगाराचा मृतदेह रविवारी सकाळी मांडवी (Mandovi) नदीत तरंगताना सापडला होता. आता आणखी एक मृतदेह सापडल्याने उलटसुलट चर्चा सुरु झाल्या आहेत.