Mandovi River

मांडवी नदीत उडी घेण्याचा प्रयत्न करणाऱ्या तरुणीला स्थानिकांनी रोखत सुरक्षितपणे बाहेर काढले. कॅसिनो लाईनच्या संरक्षक कठड्यावरुन उडी मारण्याचा प्रयत्न तरुणी करत असताना, स्थानिकांनी प्रसंगावधान दाखवत तिला सुखरुपपणे बाहेर काढले.

गुरुवारी दुपारच्या सुमारास ही घटना घडली, तरुणीने उडी घेण्याचा प्रयत्न का केला? याची माहिती अद्याप समोर आलेली नाही.

समोर आलेल्या व्हिडिओनुसार, एक तरुणी पणजीतील मांडवीच्या सुरक्षा कठड्याजवळ थांबली असता तिच्या हालचाली संशयास्पद आढळून आल्या. तरूणी नदीत उडी मारण्याचा तयारीत असल्याचा संशय येताचा जवळपासच्या लोकांनी प्रसंगावधान दाखवत तिला वेळीच रोखले.

तरुणी संरक्षण कठड्यावरुन उडी घेणार एवढ्यात तिला रोखण्यात यश आले व सुखरुप बाहेर काढले.

दरम्यान, ही तरुणी कोण आहे तसेच नदी उडी का घेत होती याबाबत अधिक माहिती मिळू शकली नाही.