IMD Goa Rain Forecast: गोवा वेधशाळेने राज्यात पावसाबाबत आणखी दोन दिवस यलो अलर्ट देण्यात आलेला आहे. 28 आणि 29 जून रोजी राज्यात काही भागात जोरदार पाऊस होण्याची शक्यता वर्तविण्यात आली आहे.

गोवा वेधशाळेने या बुलेटिनमध्ये आज अर्थात 27 जूनसह 28 आणि 29 जून रोजी राज्यातील दोन्ही जिल्ह्यातील काही भागात अतिवृष्टीचा अंदाज वर्तवला आहे. तर 30 जून आणि 1 जुलै रोजी पावसाची संततधार असेल, असे या अंदाजात म्हटले आहे.

दरम्यान, आज मंगळवारी 27 जून रोजी तिसवाडी, पेडणे, सांगे येथे पावसाचा अंदाज वर्तवला होता. तसेच 40 किलोमीटर प्रतीतास वेगाने वारे वाहतील, असे वेधशाळेने म्हटले होते.