Sancoale Highway Accident

वास्को: पादचाऱ्यांना कारने ठोकर दिल्याने झालेल्या अपघातात एक महिला ठार झाली तर अन्य तिघेजण जखमी झाले. हा अपघात रविवारी सायंकाळी ७ वा.च्या सुमारास उपासनगर-सांकवाळ महामार्गावर घडला. जखमींना मडगावच्या जिल्हा हॉस्पिटलमध्ये दाखल करण्यात आले आहे. मृत महिलेचे नाव गुलताजबी पटेल असे आहे.

अधिक माहितीनुसार. जीए ०७ टी ०१५६ या रेन्ट अ कारने तिघा पादचाऱ्यांना धडक दिली. ही कार वास्कोहून वेर्णाच्या दिशेने जात होती. भरधाव निघालेल्या कारने धडक दिल्याने गुलताजबी पटेल, तहसीलदार साहिल, महम्मद यासीन ताम्बाडी हे तिघेही पादचारी दूरवर फेकले गेले. हे सर्व पादचारी कासावली भागात राहणारे आहेत.

पटेल या महिलेची प्रकृती गंभीर असल्याचे दिसताच तिला गोमेकॉमध्ये दाखल केले. मात्र, तेथे तिचा मृत्यू झाला. तर अन्य दोघे गंभीर जखमी असून त्यांना मडगावच्या जिल्हा हॉस्पिटलमध्ये दाखल केले आहे. वेर्णा पोलिसांनी या अपघाताचा पंचनामा केला. याप्रकरणी पोलिसांनी आफताब फराशी या कारचालकाविरुद्ध गुन्हा नोंद केला आहे.