Sanguem News: सांगे तालुक्यातील दाबामळ येथे 30 वर्षीय महिलेवर अत्याचाराचा प्रयत्न झाल्याचा प्रकार समोर आला आहे. संबंधित महिलेने विरोध दर्शवताच तिच्या खुनाचाही प्रयत्न केला गेला. दरम्यान, पीडीत महिलेवर हल्ला करणारा संशयित घटनास्थळावरून फरार झाला आहे.

जखमी महिलेला रूग्णालयात दाखल करण्यात आले असून रूग्णालयाबाहेर दाबामळ ग्रामस्थांची मोठी गर्दी जमली आहे. या रूग्णालयात संबंधित महिलेवर उपचार सुरू आहेत. येथे वातावरण तणावाचे आहे.

हल्ला करणाऱ्या आरोपीचे नाव श्याम देविदास असे आहे. तो रेकॉर्डवरील गुन्हेगार आहे. तो येथील मच्छी फॅक्टरीत काम करत होता. श्याम देविदास फरार झाल्यानंतर पोलिसांनी त्याच्या साथीदारांना पोलिस ठाण्यात बोलावून घेतले आहे. त्यांच्याकडे देविदास याच्याबाबत चौकशी केली जात आहे.