Ponda Fraud News: बांधकामासाठीचे सिमेंट ब्लॉक्स पुरवतो, असे सांगून फोंड्यात एका महिलेला सुमारे लाख रुपयांना गंडवण्याचा प्रकार उघडकीस आला आहे. याप्रकरणी फोंडा पोलिसांत संशयिताविरुद्ध तक्रार नोंदवण्यात आली आहे.

फोंड्यातील अनुपमा पाटील यांनी स्वतः उद्योजक व एका विद्यालयाचा मुख्याध्यापक असल्याची बतावणी करून नवीनकुमार असे नाव सांगणाऱ्या ठकसेनाकडे सिमेंट ब्लॉक्सची ऑर्डर दिली होती. मात्र नवीनकुमार याने अनुपमा पाटील यांच्याकडून गेल्या 3 ऑक्टोबर रोजी ऑनलाईन पद्धतीने एकूण 98 हजार 999 रुपये उकळले व महिलेला ठकवले.

फोंड्यात लोकांना टोळी सक्रिय

दरम्यान, गोव्यात काही दिवसांपूर्वी लोकांना लुटणारी पती-पत्नीची टोळी सक्रिय झाली होती. प्लॉट किंवा इमारतीत कमी किमतीत फ्लॅट देतो, असे सांगून राज्यात अनेकांना ठकवलेल्या विदिशा आणि विजयनाथ गावडे या दाम्पत्याला फोंडा पोलिसांनी अटक केली. नंतर त्यांना न्यायदंडाधिकाऱ्यांसमोर हजर केले असता एक दिवसाचा रिमांड वाढवला. तसेच डिचोली आणि वाळपईतही या दाम्पत्याविरोधात फसवणुकीचे गुन्हे दाखल केले आहेत.