Manoj Parab on Goa CM: शिवराज्याभिषेक दिनाच्या कार्यक्रमात गोव्याचे मुख्यमंत्री डॉ. प्रमोद सावंत यांनी गोव्यावरील पोर्तुगीजांचा प्रभाव पुर्णपणे पुसून टाकणार, असे वक्तव्य केले होते. त्यावरून आता आरोप-प्रत्यारोप सुरू झाले आहेत.

रिव्होल्युशनरी गोवन्स पक्षाचे मनोज परब यांनीही मुख्यमंत्र्यांवर निशाणा साधला आहे.

मनोज परब म्हणाले की, मुख्यमंत्री म्हणतात की त्यांना गोव्यावरील पोर्तुगीजांचा प्रभाव पुर्णतः हटवायचा आहे. पण नेमके काय काय हटवणार? हे त्यांनी नेमकेपणाने स्पष्ट केले पाहिजे. त्यांना गोव्यातील पोर्तुगीजांचा समृद्ध वारसा हटवायचा आहे का?

त्यांना पोर्तुगीजांनी दिलेले सिव्हिल कोड, कोमुनिनाद हे कायदे रद्द करायचे आहेत का? गोव्यावरील पोर्तुगीजांचा प्रभाव हटवायचा म्हणजे नेमके काय करणार हे मुख्यमंत्र्यांनी स्पष्ट करावे, असा सवाल परब यांनी केला आहे.