Rent-a-Bike/Car Accident in Goa: राज्यात येणारे पर्यटक फिरण्यासाठी रेंट-अ-बाईक किंवा कार भाड्याने घेतात. अनेकदा पर्यटक मद्य पिऊन वाहन चालवत असल्यामुळे जीवघेणे अपघात घडल्याचे समोर आले आहे.

पर्यटक राज्यातील वाहतुकीचे नियम पाळत नसून पोलीस आणि सरकारला जुमानत नसल्याचे निदर्शनास आले आहे. यावरून मुख्यमंत्र्यांनी महत्वाची घोषणा केली आहे.

रेंट-अ-बाईक/कारचे वाढते अपघात लक्षात घेता मुख्यमंत्री प्रमोद सावंत म्हणाले की, पर्यटकांनी वाहने चालवताना वाहतूक विभागाचे नियम पाळणे अत्यंत आवश्यक आहे. असे न केल्यास आणि यामुळे जीवघेणा अपघात झाल्यास रेंट-अ-बाईक/कारचा मालक आणि पर्यटक चालकाला अटक करण्यात येणार आहे.

भविष्यात वाहतूक नियमात सरकार मोठे बदल करणार आहे. त्यामुळे स्थानिक आणि पर्यटकांना हे नियम पाळणे बंधनकारक असल्याचे मुख्यमंत्री म्हणाले.