गोव्यात विधानसभा निवडणुकीच्या प्रचाराची रणधुमाळी पाहायला मिळत आहे. राज्यात सत्तेत असणाऱ्या भाजपला पराभूत करण्यासाठी विरोधक चांगलचे तयारीला लागले आहेत. राजकीय नेते प्रचारसभांच्या माध्यमातून एकमेकांवर आरोप-प्रत्यारोपांच्या फैरी झाडत आहेत. अनेक राजकीय नेते गोव्यात तळ ठोकून आहेत. राजकीय पक्षांमध्ये जाहीरनामा आणि आश्वासणे देण्याची जणू स्पर्धाचं रंगली आहे. अशातच आज राष्ट्रवादीचे (NCP) नेते नवाब मलिक (Nawab Malik) यांनी दैनिक गोमन्तकशी बोलताना गोव्याबद्दलची राजकीय भूमिका मांडली आहे.

यावेळी त्यांनी राष्ट्रवादीच्या जाहीरनाम्यातील काही योजना सांगितल्या, यात प्रामुख्याने फॅमिली ट्रीप बद्दल सांगताना ते म्हणाले की, गोव्यातील जनतेला रोजगार मिळावा यासाठी आम्ही याची निर्मिती करत आहोत. गोव्यात ज्यांच्याकडे लहान मोठी घर आहेत, त्यांना आम्ही हॉटेलचा परवाना देणार आहोत. यामुळे गोवेकर आपल्या घरच्या चार रूमपैकी दोन रूम गेस्टसाठी देतील. त्यासोबत त्यांच्या जेवणाची आणि राहण्याची सोय होईल. यातून त्यांना रोजगार मिळेल आणि यासाठी आम्ही लवकरच एक वेबसाइट बनवू. जेणेकरून पर्यटकांना देखील गोवा ट्रीप परवडेल.

दरम्यान, यावेळी बोलताना त्यांनी गोव्यातील शेतकरी वर्ग हा मोठ्या अडचणीत आहे. इथे बारा महीने शेती पिकत नाही, यासाठी आम्ही झोडधंदा निर्मिती प्रकल्प राबवणार आहोत. यामध्ये कुकुटपालन, गाय गोटा योजना राबवणार आहोत. यासाठी शेतकऱ्यांना आर्थिक मदत देखील सरकार करेल. राज्यातील भाजप (BJP) सरकार हे शेतकऱ्यांच्या हिताचे सरकार नसून त्यांचा भर हा फक्त कसिनो आणि पर्यटणावर आहे. तसेच गोव्याला भाजप सरकारने ड्रग्सचा कारखाना बनवल आहे. यातून अनेक तरुण हे वेसनाधीन होत आहेत.