Sal News : साळ, विकसित भारत संकल्प यात्रेचे ग्रामस्थांनी उत्साहात स्वागत केले. सरपंच सावित्री घाडी यांनी श्रीफळ वाढवून तसेच आरती ओवाळून स्वागत केले. पंच नीता राऊत, मनु शिंदे यांनी औक्षण केले. जिल्हा पंचायत सदस्य प्रदीप रेवोडकर यांनी पुष्पहार अर्पण केला.

यावेळी गटविकास अधिकारी ओमकार मांजरेकर, उपआरोग्य केंद्रातील डॉ. गौरीश नाईक व त्यांचे सहकारी यावेळी उपस्थित होते. तसेच विविध शाळेतील विद्यार्थी, शिक्षक, अंगणवाडीतील मुले व सेविका आदी उपस्थित होते.

पंचायत सचिव पुंडलिक गवस, शांबा घुरे, आनंद राऊत, सर्वेश चांदेलकर, शिवप्रसाद गवस, श्रावणी राऊत, दत्ताराम परब, विनया राऊत यांचीही उपस्थिती होती. सरपंच सावित्री घाडी, पंच नीता राऊत व मनु शिंदे यांनी मान्यवरांना गुलाब पुष्प देऊन स्वागत केले. मुलांनी यावेळी फुगडी, नृत्य, घुमट आरती सादर केली.

यावेळी नाट्य कलाकार रामदास वरक, कर्तबगार महिला कीर्ती राऊत, शेतकरी विजय राऊत, विद्यार्थी जयेश राऊत यांचा शाल, श्रीफळ आणि प्रशस्तीपत्रक देऊन सत्कार करण्यात आला. तसेच जिल्हा पंचायत सदस्य प्रदीप रेवडकर, पंचायत परिसरातील प्लंबर, लाइनमन, कचरा व्यवस्थापनाची संबंधित कर्मचारी यांचाही सत्कार करण्यात आला.

तसेच स्वस्त बालक स्पर्धेतील तीन यशस्वी मुलांना गुलाब पुष्पा देऊन गौरविण्यात आले. सरपंच सावित्री गाडी, पंच मनु शिंदे व नीता राऊत यांनी यावेळी मनोगत व्यक्त केले. मान्यवरांचीही यावेळी भाषणे झाली. प्रदीप रेवडकर यांच्या हस्ते पंचायतीला प्रशस्तीपत्र देऊन गौरविण्यात आले. सूत्रसंचालन सरपंच सावित्री गाडी यांनी केले.