मडगाव: दक्षिण गोव्यात नावेली मतदारसंघात जिल्हा पंचायत भवन बांधण्याचा जो प्रकल्प नियोजित केला आहे तो वर्षभरात पूर्णत्वास आणण्याचा प्रयत्न करू, असे आश्वासन आमदार (MLA) उल्हास तुयेकर यांनी दिले. (We will try to complete district Panchayat office within a year commitment by Ulhas Tuyekar)

दक्षिण गोवा जिल्हा पंचायतीचे सदस्य असलेले उल्हास तुयेकर हे नावेलीतून तर आंतोन वाझ हे कुठ्ठाळीतून (Cortalim) आमदार म्हणून निवडून आल्याबद्दल आज जिल्हा पंचायत मंडळाच्यावतीने या दोघांचा सत्कार करण्यात आला. यावेळी जिल्हा पंचायतीच्या अध्यक्ष सुवर्णा तेंडुलकर उपस्थित होत्या.

तुयेकर यांनी सांगितले की, आपण जिल्हा पंचायतीचे सदस्य असल्याने या संस्थेला येणाऱ्या अडचणी काय हे मला ठाऊक आहेत. जिल्हा पंचायतींना अधिक निधी मिळण्याबरोबर त्यांना अधिकारही मिळावेत, यासाठी आपण आणि वाझ हे दोघेही विधानसभेत प्रयत्न करू, असे आश्वासन त्यांनी दिले.

दक्षिण गोवा (Goa) जिल्हा पंचायतीचे उपाध्यक्ष खुशाली वेळीप म्हणाले, जिल्हा पंचायतीतून आमदार म्हणून निवडून येण्याची परंपरा तुयेकर आणि वाझ यांनी कायम ठेवली. यापुढे याच पंचायतीतून आणखी आमदार पुढे येतील, अशी अपेक्षा त्यांनी व्यक्त केली.