MLA प्रवीण आर्लेकर Dainik Gomantak
गोवा

Goa Development Project: सर्व प्रभागांत समान विकास हवा, MLA प्रवीण आर्लेकर

आमदार प्रवीण आर्लेकर : पराष्टे येथे टाईल्स बसवण्यास सुरवात

दैनिक गोमन्तक

Goa Development Project: पेडणे पालिका क्षेत्राचा विकास करताना एकूण दहाही प्रभागांत समान विकास करण्यावर पालिका मंडळाने भर द्यावा. सरकारच्या माध्यमातून विकासकामांना सहकार्य करण्यात येईल, असे आमदार प्रवीण आर्लेकर यांनी सांगितले.

पालिका फंडातून पराष्टे येथील काळोबा मंदिर परिसरात चेकर्ड टाईल्स बसविण्याच्या कामाच्या शुभारंभप्रसंगी आर्लेकर बोलत होते. यावेळी नगराध्यक्ष सिद्धेश पेडणेकर, उपनगराध्यक्ष अश्विनी पालयेकर, नगरसेविका उषा नागवेंकर, तृप्ती सावळ देसाई, दीपक मांजरेकर, मनोज हरमलकर, शिवराम तुकोजी आदि उपस्थित होते.

आर्लेकर पुढे म्हणाले की, आपल्या प्रभागातील विकासकामे दर्जेदार व्हावीत याकडे नागरिकांनी या कामावर लक्ष ठेवणे आवश्‍यक आहे. तसेच त्याची निगा राखणे आवश्‍यक आहे. नगराध्यक्ष सिद्धेश पेडणेकर यांनी सांगितले की, प्रत्येक प्रभागात समान निधीमधून विकास करण्याचा संकल्प सोडलेला आहे. त्यासाठी जनता तसेच नगरसेवकांचेही सहकार्य आवश्‍यक आहे.

आमदार प्रवीण आर्लेकर आणि राज्य सरकारचे सहकार्य मिळत असल्यामुळे अनेक विकासकामे मार्गी लागल्याचा दावा नगराध्यक्ष सिद्धेश पेडणेकर यांनी केला. उषा नागवेकर यांनी पालिका क्षेत्राचा विकास झपाट्याने होत असल्याचा

दावा केला. पेडणे मतदारसंघाच्या विकासासाठी सर्वांनी प्रयत्न करावे , असे आवाहन प्रवीण आर्लेकर यांनी केले.

रस्त्यांवरील खड्डे हॉटमिक्स पद्धतीने बुजवणार

पावसाळ्यानंतर रस्त्यांवर पडलेले खड्डे हॉटमिक्स पद्धतीने बुजवण्यात येतील. तसेच भूमिगत वीज जोडणीच्या कामाला गती देण्यात येईल, त्यामुळे मतदार संघातील विजेची समस्या सुटण्यास मदत होईल, असे आमदार प्रवीण आर्लेकर यांनी सांगितले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT