साखळी: जगभरात हवामान बदलाचे दुष्परिणाम आज जाणवत आहेत. वायनाड येथील घटना ही डोळे उघडणारी भयानक अशी आहे. त्यातून बोध घेताना सर्वांनी आपल्या परिसरात झाडे लावून ती जगविण्यासाठी प्रयत्न करावेत, असे आवाहन मुख्यमंत्री डॉ. प्रमोद सावंत यांनी साखळी येथे केले.
पंतप्रधान नरेंद्र मोदी यांनी दिलेल्या ‘एक पेड मॉं के नाम’ या संकल्पनेतून आज प्रत्येक देशवासीयाने आपल्या आईसमवेत, आई नसल्यास आईच्या नावाने झाड लावून या पर्यावरणीय मोहिमेत सहभागी व्हावे, असे आवाहनही मुख्यमंत्री सावंत यांनी केले.
भाजप सहकार विभागातर्फे हाऊसिंगबोर्ड साखळीतील स्व. जगन्नाथ जोशी सरकारी प्राथमिक शाळेच्या आवारात झाडे लावण्याचा कार्यक्रम झाला. या कार्यक्रमात मुख्यमंत्री बोलत होते. यावेळी सहकार विभागाचे राज्य प्रमुख पांडुरंग कुट्टीकर, साखळी विभाग प्रमुख अनिल काणेकर, जिल्हा पंचायत सदस्य गोपाळ सुर्लकर, नगरसेविका रश्मी देसाई, दीपा जल्मी, कुडणेचे सरपंच बाबला मळीक, ब्रह्मानंद देसाई, रघुदास तारी, गजानन शेट्ये व इतरांची उपस्थिती होती. यावेळी मुख्यमंत्री डॉ. प्रमोद सावंत यांनी एक झाड लावले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.