Water loss Public Works Department Underground power cable installation vasco

वास्को: वास्कोत भूमिगत वीजवाहिन्या बसविण्याच्या कामामुळे सार्वजनिक बांधकाम खात्याच्या पाणी विभागाचे लाखो रुपयांचे नुकसान झाले आहे. भूमिगत वीजवाहिन्यांचे काम करणारे कंपनी व कंत्राटदाराच्या हलगर्जीपणामुळे सार्वजनिक बांधकाम पाणी विभागाचे दररोज मोठ्या प्रमाणात नुकसान होत असल्याने विभागाने नाराजी व्यक्त केली आहे.

वास्कोत भूमिगत वीजवाहिनी जोडणीचे काम युद्धपातळीवर सुरू आहे. यामुळे काही ठिकाणी रस्त्याच्या बाजूस खोदकाम सुरू आहे, परंतु पूर्वसुचना देऊनसुद्धा भूमिगत वीजजोडणीचे काम करणारे संबंधित अधिकारी, दररोज जास्त करून सार्वजनिक बांधकाम पाणीपुरवठा विभागाच्या वाहिनीचे नुकसान करीत आहेत. यामुळे सार्वजनिक बांधकाम खात्याच्या पाणीपुरवठा विभागाचे लाखो लिटर पाणी वाया गेले आहे.

यामुळे अनेकांना पाणी टंचाईला सामोरे जावे लागत आहे. वीज विभागाने आपले काम करताना पाणीपुरवठा विभागाच्या अधिकाऱ्यांशी चर्चा करून काम करणे गरजेच आहे. काल रात्री भूमिगत वीज वाहिनींचे काम करणाऱ्या कंत्राटदाराने वास्को न्यायालयासमोरील भूमिगत पाण्याची वाहिनी तोडल्याने वास्को शहरातील काही भागात कमी प्रमाणात पाणी उपलब्ध झाले.